web counter
LEXO PA REKLAMA!

SHKARKO APP

App Store
Google Play

Guardiola tregon gabimin e Barcelonës: Do të kishin fituar 2-3 Liga Kampionesh më shumë

27 Prill 2021, 18:57, Sport CNA

Pep Guardiola është i bindur se Barcelona do të kishte fituar 2-3 Liga Kampionesh më shumë në vitet e kaluara nëse klubi katalanas do të kishte mbajtur brazilianin Nejmar në radhët e tij. Klubi bleu futbollistin në vitin 2013 nga Santos, duke formuar një nga treshet e sulmit më të forta të dekadës së fundit,  përkrah Mesi e Suarez, me Guardiolën që e cilësoi si më të mirën që kishte parë.

Gjatë viteve të qëndrimit të tij te gjigantët e La Liga ata fituan 2 kampionate, 3 Kupa Mbreti dhe 1 Ligë Kampionesh. Por pastaj ai vendosi të largohej në vitin 2017 te PSG që pagoi 222 milionë euro për kartonin e tij. Tashmë Guardiola do ta ketë si rival në Ligën e Kampioneve të mërkurën, kur Mançester Siti i tij do të ndeshet me PSG-në e brazilianit të cilin e kishte vlerësuar që kur e kishte patur si kundërshtar në Botërorin e klubeve në vitin 2011. Ai tregoi sot fjalët që u kishte thënë asokohe katalanasve.

?Unë thashë ?ky është mbreti i Santos? dhe të gjithë lojtarët mbetën gojëhapur. ?O Zot çfarë lojtari!?. Ishte një kënaqësi ta shihje si spektator?, ishin fjalët e sotme të Guardiolës për momentin kur kishte pasur përballë Nejmar.

?Ai ka Brazilin mbi shpatullat e tij. Numri 10 nuk është i lehtë për t?u mbajtur. Jam shumë i sigurt se nëse do të kishte qëndruar te Barcelona, ata do të kishin fituar 2 apo 3 Liga Kampionesh më shumë me Mesi e Suarez, treshja më e mirë që kam parë.

Ai vendosi të shkonte në Paris, një qytet i këndshëm e një klub i tillë siç duket nga jashtë. Unë do të dëshiroja që të luante me rregullsi, por jam një admirues i madh pasi ai ndihmon të bëjë futbollin më të mirë dhe është kënaqësi të luaj ndaj tij dhe atij ekipi?, tha Guardiola.





Lajmet e fundit nga