web counter
LEXO PA REKLAMA!

SHKARKO APP

App Store
Google Play

Studimi/ Vaksinat anti-Covid zvogëlojnë transmetimin e virusit vdekjeprurës

28 Prill 2021, 14:28, Lifestyle CNA

Nga Dr.Blerta Brati, mjeke mikrobiologe prane ISHP

Ky është një lajm fantastik.

Ne tashmë e dinim se vaksinat shpëtojnë jetë dhe ky studim, më gjithëpërfshirësi i kryer në kushte reale, gjithashtu tregon se ato zvogëlojnë transmetimin e këtij virusi vdekjeprurës ”

Një dozë e vetme e vaksinës Pfizer ose AstraZeneca mund të zvogëlojë transmetimin e koronavirusit deri në pothuajse gjysmën brenda një zone të vetme, ku rreziku i infektimit është i lartë, sipas një studimi nga agjencia angleze e shëndetit publik (PHE).

Njerëzit e infektuar me virusin tre javë pasi kanë marrë një dozë të vaksinës kanë 38% deri në 49% më pak të ngjarë se ata që nuk janë vaksinuar të kalojnë virusin te anëtarët e familjes së tyre, tha Agjensia Shëndetit Publik Angli në një deklaratë.

Ky nivel i mbrojtjes, i vërejtur rreth ditës së katërmbëdhjetë pas vaksinimit, është i ngjashëm pavarësisht nga mosha e personit të vaksinuar ose e anëtarëve të familjes.

Ky studim ndoqi 57,000 njerëz nga 24,000 familje ku një person i vaksinuar rezultoi pozitiv dhe i krahasoi ato me gati një milion kontakte të njerëzve të pavaksinuar.

Familjet konsiderohen si vende “me rrezik të lartë” për sa i përket transmetimit dhe “rezultate të ngjashme mund të shihen në vendet me rreziqe të ngjashme të transmetimit, të tilla si strehimi i përbashkët dhe burgjet”, tha PHE.

Organizata tregon se një dozë e vaksinës gjithashtu mund, pas katër javësh, të zvogëlojë rrezikun e shfaqjes së simptomave me 60 deri në 65%.

Studimet e mëparshme të PHE kishin treguar se vaksinat Pfizer dhe AstraZeneca kishin parandaluar 10,400 vdekje në njerëz mbi 60 vjeç në fund të Marsit.

 

 





Lajmet e fundit nga