E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Editorial/ Mortja nuk iku

28 Prill 2021, 12:34, Politikë CNA

Nga Elvi Fundo

Zgjedhjet e 25 Prillit u polarizuan më së shumti nga një emër, Presidenti i Republikës, Ilir Meta.

U votua ai, bashkëshortja e tij dhe morën një rezultat, ashtu siç shqiptarët dinë ta japin përgjigjen.

Vetëm katër mandate deputetësh duke i detyruar të kthehen aty ku iu takonte.

Humbësi më i madh i zgjedhjeve është Ilir Meta, nuk është Lulzim Basha në fakt, megjithëse ai ka tentuar ta rrisë partinë e tij, por, nuk ka mund të shkojë dot, deri në rezultatin e vitit 2013.

Është Ilir Meta humbës, sepse është shkaktari edhe i humbjes së Lulzim Bashës.

Sjellja e tij politike, artikulimi i tij, çmenduria e tij e dy javëve të fundit tregoi, se mortja në politikën shqiptare, kishte filluar të merrte përmasa të papara, të padëgjuara nga shqiptarët më parë.

Ilir Meta bëri gjithçka shkoi në Vlorë, shkoi në Durrës, shkoi në Korçë u takua me banditë kriminelë, u takua me subjekte të OFL-së, bleu vota lart e poshtë, që nga Shkodra e gjer në Vlorë, por shqiptarët me votë ishin kundër tij.

Po çfarë ndodhi dhe pse shqiptarët votuan kundër. Ata donin që mortja të ikte, sepse kishte thënë se në rast se Edi Rama fiton do të jepte dorëheqjen.

Edi Rama fitoi, madje bindshëm, ka 140 mijë vota më shumë se PD, ka 50 mijë vota më shumë se koalicioni PD-LSI.

Tek votat e pavlefshme aq vota sa ka LSI edhe PD, ka edhe më shumë ndoshta, por Ilir Meta nuk pati kurajo të jepte dorëheqje.

Të gjithë e shikonin si burrë, por në fakt është një burracak që shqiptarët e konsiderojnë një mortje, e cila duhej shporrur nga politika.

Ia dhanë atë që i takonte, përgjigjen me votë.

Por, mortja nuk iku. Sot deklaroi se do të rrinte deri në 22 Korrik 2022. Ndoshta Edi Rama mund ta mbajë President, pasi nuk i intereson aspak çfarë bën Meta atje ku është, por shqiptarët kanë votuar që mortja të largohet.

Dhe këtë e treguan qartazi me 25 Prill, por mortja do të jetojë deri në 22 Korrik 2022, për të shkuar dhe të marrë teserën e shpk së tij, e partisë së gjobave, hajdutërisë siç është LSI.

Mortja nuk iku, Ilir Meta nuk është burrë ashtu siç shpresonin shumica e shqiptarëve, por një burracak, sharlatan dhe palaço politik, një hajdut, një kërmë politike që tashmë nuk i duhet askujt.

Ai duhet të kishte ikur, të paktën për të mos i bërë shqiptarët që t?i thonë fjalën e fundit.

Koha është për të bërtitur, ?MORTJE, LARGOHU, SHQIPTARËT TË TREGUAN KU E KE VENDIN?

Por, ti si një kërmë politike, vazhdon të qelbësh vendin në krye duke mbajtur postin e Presidentit./CNA.al