web counter
LEXO PA REKLAMA!

SHKARKO APP

App Store
Google Play

E fundit!

x

Aleksandër Frangaj kërkon Qeveri PS-PD/ Krahasimi me Gjermaninë

28 Prill 2021, 09:16, Politikë CNA

I ftuar dje në emisionin ?Opinion?, pronari i TV Klan, gazetari Aleksandër Frangaj, ka qenë i qartë në kërkesën e tij.

Ai deklaroi, se një Qeveri PS-PD do të ishte në të mirë të vendit, kjo edhe për shkak të leksioneve që vinin nga perëndimi, siç është rasti i Gjermanisë.

Frangaj ishte qartazi, por një qeverisje Rama-Basha, e cila do të krijonte më shumë stabilitet dhe  do të sillte më shumë reforma.

Në fakt, një Qeveri PS-PD do të ishte katastrofa e 30 viteve politikë, pasi shqiptarët, pjesa kundërshtare e Qeverisë, do të ngeleshin pa përfaqësim.

Sepse një qeverisje e përbashkët nuk do të  ishte asgjë më shumë e asgjë më pak, se një Qeveri e korruptuar, një Qeveri ku secila palë kishte pjesën e vet të tepsisë për të ngrënë dhe shqiptarët do të ngeleshin me gisht në gojë.

Kuptohet kjo do të sillte më shumë rend dhe siguri në vend ndoshta, pasi Opozita nuk do të provokonte trazira, por një vend pa opozitë është detyruar të  shkojë në autokraci.

Ashtu si dhe ka filluar të shkojë në Shqipëri, ndoshta qeverisja PS-PD  më pas mund të ishte një katastrofë përfundimtare politike për shqiptarët.Bashkëqeverisje Rama-Basha?/ Kulluri: 25 prilli është prova e fundit e Bashës, ja si mund të shpëtojë PD

E krahasuar kjo me Gjermaninë ka një përgjigje tjetër.

Së pari PD do të shkërmoqej.

Ashtu siç Kristian Demokratët e CDU që morën në qeverisje SPD, Socialdemokratët dhe tashmë kjo parti e fundit ka përfunduar forcë e tretë dhe rrezikon të shkojnë forcë e katërt politike në vend, ndërsa janë të gjelbrit në Gjermani që po ngrihen.

Pikërisht Social-Demokratët po i humbin votat  për shkak të koalicionit me CDU. Koalicion ky që u krijua për të tjera rrethana sepse asnjë palë nuk e kishte shumicën dhe vendosën të qeverisin bashkë.

Por, kjo në Gjermani nuk do të thotë asgjë sepse Gjermania është një shtet që ka Gjykatë Kushtetuese, që ka President, që ka ligje që funksionojnë , është e ndarë në lande, ka parlamente lokale, pra që janë  të pavarura në kompetencat e tyre zhvillimore, në lidhje me taksat, investimet e shumë faktorë të tjerë.

Kurse Shqipëria  është shumë herë më e vogël se sa një land në Gjermani.

Është asgjë në krahasimin e funksionimit të shtetit që ecën lligji dhe rregulli e vendi zhvillohet edhe kur palët janë bashkë.

Kurse në Shqipëri një Qeveri e përbashkët PS-PD do ta linte vendin pa një opozitë reale. Në Gjermani koalicionet e të mëdhenjve nxorën opozitë reale të gjelbrit apo AFP, një parti tjetër e djathtë e ekstremit, një parti nacionaliste.

Ndërsa në Shqipëri do të ishte mjaft e vështirë për të gjetur opozitën e vërtetë përballë Qeverisë, tashmë kur kemi edhe rezultatin e zgjedhjeve, sipas të cilit Opozitë do të kandisej Ilir Meta dhe do të bëhej faktori kryesor politik në vend.

Aleksandër Frangaj kërkon qeveri PS-PD ndoshta për interesa të tjera por ai duhet të kuptojë sëbashku me të tjerët se Qeveria e madhe politike është katastrofa  e qytetarëve shqiptarë./CNA.al





Lajmet e fundit nga