E fundit!

13:28 Ekonomi

Ekonomia e përditshme/ Çfarë ndikimi kanë çmimet e karburantit sot?

Karburanti nuk prek vetëm drejtuesit e automjeteve. Kjo ës...

Shkërmoqet banda e Ilir Metës

28 Prill 2021, 07:32, Politikë CNA

17 vjet pas themelimit, partia Lëvizja Socialiste për Integrim është shuar.

LSI e cila mori jetë në vitin 2004 nga Ilir Meta, në pak kohë u shndërrua në partinë e zarfit dhe të korrupsionit, pas përdorjes për interesa personale të Metës.

Në këtë mënyrë ajo mori edhe emrin shpk e Ilir Metës, por nuk u deshën shumë vite që kjo shpk të falimentonte.

Pas largimeve të njëpasnjëshme të anëtarësisë nga LSI, zgjedhjet parlamentare të 25 Prillit 2021 i dhanë goditjen e fundit.

Në nëntë qarqe LSI e Ilir Metës dhe Monika Kryemadhit nuk mori asnjë mandat, duke dështuar kështu me sukses.

Nga 19 mandate që kishte marrë në vitin 2017, në këto zgjedhje doli vetëm me katër mandate.

Në Qarkun e Shkodrës dhe të Fierit mori nga një mandat dhe në Tiranë dy mandate.

Ndërsa në Qarqet Kukës, Lezhë, Dibër, Durrës, Elbasan, Berat, Korçë, Vlorë dhe Gjirokastër, nuk mori asnjë mandat.

Në këto zgjedhje LSI, ruajti nga 2017, një mandat në Shkodër, një në Fier, ndërsa humbi 3 mandate në Tiranë, nga 5 që kishte fituar në vitin 2017.

LSI, nuk arriti të siguronte mandatet e vitit 2017, as në qarqet, Lezhë, Dibër, Korçë, Vlorë e Gjirokastër, ku pati marrë nga 1 mandat dhe në qarqet Durrës, Elbasan, Berat, ku pati marrë nga 2 mandate.

Kujtojmë se pak ditë para zgjedhjeve, drejtues, kandidatë për deputetë apo anëtarë të strukturave të LSI, u kapën duke blerë vota.

Megjithëse pazaret zgjedhore janë ekskluzivitet i LSI, por fundin kësaj force politike ia firmosi Ilir Meta, i cili edhe pasi vuri të gjithë presidencën në shërbim të LSI, sërish dështoi.

Në fakt ai e paralajmëroi shkrirjen e LSI, ndërsa bënte thirrje për luftë e prerje duarsh.

Si politikan i vjetër që është e nuhati se LSI ishte në grahmat e fundit, ndaj bërtiste, rebelohej , dilte i dehur nëpër ekrane dhe nuk dinte çfarë thoshte.

Edhe Monika Kryemadhi, që shfaqet si kryetarja e kësaj partie nuk qëndroi pas, teksa bënte thirrje për revolucion. ?Bjeruni, ngrihuni dhe shtypini?, ishin thirrjen e Kryemadhit gjatë fushatës.

Dhe qytetarët e dëgjuan, dhe ia kthyen kusurin, duke i dërguar LSI për skrap nga Jugu në Veri./CNA.al

Rezultatet e LSI në zgjedhjet parlamentare 2021

Në Kukës -0 mandate

Lezhë-0 mandate

Diber -0 mandate

Durrës -0 mandate

Elbasan- 0 mandate

Berat-0 mandate

Korçë-0 mandate

Vlorë- 0 mandate

Gjirokatër-0 mandate

Tiranë-2 mandate