web counter
LEXO PA REKLAMA!

SHKARKO APP

App Store
Google Play

E fundit!

x

Jepnin para për vota/ Arrestohet aktivisti i LSI, në kërkim kandidati për deputet

24 Prill 2021, 08:29, Aktualitet CNA

Aktivisti i LSI, Elis Bano është arrestuar nga policia pasi jepte para për vota, ndërsa kandidati për deputet Etion Joka është në kërkim.

Mbi ta rëndon akuza për veprën penale “Korrupsioni pasiv në zgjedhje? dhe ?Korrupsioni aktiv në zgjedhje?.

Njoftimi i Policisë

“Specialistët e Seksionit për Hetimin e Korrupsionit në Drejtorinë Vendore të Policisë Tiranë bënë ndalimin për veprën penale “Korrupsioni pasiv në zgjedhje?, të shtetasit E. B., 30 vjeç, si dhe shpallën në kërkim për veprën penale ?Korrupsioni aktiv në zgjedhje?,? shtetasin E. J., 32 vjeç, kandidat për deputet i një subjekti politik për qarkun e Tiranës.

Në kuadër të procedimit penal, datë 23.04.2021 të SPAK dhe bazuar në pamjet filmike të transmetuara në media dhe  rrjete sociale, këta dy shtetas janë të dyshuar për një rast korrupsioni në fushatën zgjedhore.

Shërbimet e Policisë kanë ushtruar disa kontrolle por deri tani nuk është bërë e mundur kapja e shtetasit E. J.

Materialet proçeduriale iu kaluan Prokurorisë së Posaçme Kundër Korrupsionit dhe Krimit të Organizuar, në ngarkim të shtetasit E. B., për veprën penale ?Korrupsioni pasiv në zgjedhje?,  dhe në ngarkim të shtetasit E. J., për veprën penale ?Korrupsioni aktiv në zgjedhje?./ CNA.al





Lajmet e fundit nga