E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Thirrjet kriminale të Xhelal Mziut për paramilitarët e PD-së/ Ngjela tregon pse u tërhoq

23 Prill 2021, 17:07, Aktualitet CNA

Gjatë fushatës elektorale, kandidati i PD për Dibrën Xhelal Mziu ka bërë një deklaratë tronditëse.

Teksa ka zhvilluar një takim me qytetarët, Mziu thotë se PD ka ngritur grupët e gatshme për mbrojtjen e votës. Pa iu dridhur aspak ?qerpiku?, Mziu shprehet se kushdo që tenton të prekë votën do e pësojë si Pjerin Xhuvani në Elbasan. Kjo tregon se Bashës dhe kandidatëve të tij nuk i ka mjaftuar aspak gjaku i një qytetari, disa ditë para zgjedhjeve.

Vrasja që ka ndodhur në Elbasan nuk ka justifikim, është një akt kriminal i papërgjegjshëm për të cilin Gazmend Bardhi dhe Lulzim Basha nuk mbajnë përgjegjësi. Ndërkohë del hapur Xhelal Mziu dhe deklaron se janë gati të vrasin qytetarë të tjerë nga jugu në veri vetëm për të marrë pushtetin.

Por pas këtij skandali, Mziut i tërhoqi veshin partia dhe e detyruan që të dalë dhe të flasë me një fjalim të përgatitur.

Por avokat Spartak Ngjela ka treguar edhe arsyen e pendesës së kandidatit kriminel të Bashës.

Në një reagim ekskluziv për CNA.al, Ngjela deklaroi se SHBA ka kërcënuar Metën dhe opozitën për thirrjet që kanë bërë për revolta dhe sipas tij ata janë tërhequr, por këtë fakt nuk e ka ditur Mziu dhe ka ndjekur rrugën qorre të partisë së tij.

Sipas avokatit, këto tentativa për destabilizim janë skenarë të Moskës, por që SHBA nuk do ta lejojë asnjë herë këtë gjë.

?Po, Xhelal Mziu u tërhoq, sepse unë e kam thënë dje në një emision, thash aty se kisha të dhëna që i kanë kërcënuar nga Uashingtoni. Saliun po e po, por ndodhta edhe Metën, edhe tani janë tërhequr. Mëziu, siç duket, nuk e ka ditur, prandaj doli Mëzi ziu dhe e bëri kërcënimin për paramilitarët e Partisë Demokratike, dhe pastaj u tërhoq.

Në qoftë se këta me pretekstin e votave nxjerrin paraushtarakë, njerëz të armatosur, atëherë kërkojnë destabilizimin e Shqipërisë; por tani dihet se kërkesa për destabilizimin e Shqipërisë është një kërkesë e plotikës ruse. Cfarë po duan të bëjnë këta?

Si mund të thuash ti që unë nuk të lë të votosh se ti ke shkuar të manipulosh votat? Kështu menduan t?i thonin individit që shkon për të votuar. Të gjitha janë nonsense, pa logjikë, por është e njëjta rrugë që ndoqi Trumpi në Amerikë. Cila ishte rruga e Trump-it?

Gjatë gjithë kohës së fushatës elektorate ai bërtiste: do të manipulohen votat. Gjithonë bërtiste: manipulim, manipulin, që pastaj ky të ishte shkaku që të bënte kryengritje. E bëri kryengritjen dhe nuk fitoj asnjë gjë. Por aman tani po rezulton që e gjithë ajo ka qenë një skemë ruse. Po në Shqipëri çfarë po ndodh? Nëse këta duan destabilizim në Shqipëri, kuptohet se këtë po ua kërkon Moska?, tha Ngjela.

Avokati deklaroi më tej se të njëjtët politikanë të korruptuar që e kanë vjedhur Shqipërinë tani bëjnë thirrje për destabilizim.

?Por, nëse politika amerikane i ka dokumentet që ky destabilizim po kërkohet nga kundërshtari i NATO-s; çështja sigurisht që do të mbajë brenda vetes ushtritë e NATO-s që janë prezent. Madja në këtë lojë ushtarake që po fillon, në territorin shqiptar ka vetëm 8000 trupa amerikanë. Shqipëria është një shtet i NATO-s, kurse ka të dhëna që politka ruse kërkon të destabilozojë një vend të NATO-s.

Atëherë veglat e rusëve që janë në Shqipëri, do të merren siç u muar Noriega në Panama. E pra, edhe këta tanët do të ikin si Noriega. Prandaj: do të duan që të ikin si Noriega, apo do ulin kokën dhe të vazhdojnë lojën qetësisht? Kjo është historia, prandaj u tërhoqën. Turp për ta, sigurisht, të korrtuptuar që, pasi e vodhën Shqipërinë, duan edhe ta destabilizojnë atë?, tha Ngjela për CNA.al.