web counter
LEXO PA REKLAMA!

SHKARKO APP

App Store
Google Play

E fundit!

x

“Opozitën e ka pushtuar demoni”/ Rama: Kanë 30 vjet që e kanë marrë vendin peng

22 Prill 2021, 17:00, Politikë CNA

Kryeministri Edi Rama ka kërkuar votëbesimin e shqiptarëve në 25 prill, pasi sipas tij PS është e vetmja forcë politike që mendon për të ardhmen e qytetarëve.

Nga sheshi Skënderbej ku po mbahet mbyllja e fushatës elektorale, Rama tha se përfaqësuesit e opozitës janë pushtuar nga demoni dhe po mundohen të destabilizojnë vendin, ashtu si kanë bërë për plot 30 vjet.

Shefi i qeverisë shtoi se PD është një parti që turet rrugëve si paramilitarë dhe nëse del nga autokolona e tyre nuk ekziston më.

?Janë kthyer në paramilitarë që turen rrugëve. Mbasi ndalon njerëz dhe lë viktima do të thotë që njerëzit janë njerëz kur futen në autokolonën tënde dhe kur dalin nga autokolona jote nuk ekzoistojnë më. Njerëzit të zgjohen dhe të kujtojnë se çfarë i kanë bërë shqipërisë për 30 vjet, të kujtojnë se në çfarë humnerash i kanë hedhur, të kujtojnë që sa herë ka pasur plagë jo nga zoti lidhen vetëm me ta.

Sot të jesh i djathtë dhe të jesh kundër nesh është normale,por të jesh i djathtë dhe ja do të mirën e partisë dhe mban demonin brenda duhet ta braktisësh. Shqipëria duhet të largohet nga demoni.Po ju vret shpresat. PS është dera e të ardhmes. Kur njeriu shkon të votojë, përgjithësisht gjykon mbi të tashme dhe e tashmja e zvogëlon peshën që ka vota sepse mund të ketë një hall që lidhet me praggun e shtëpisë. Ai prag ku ndryshimi nuk ka aritur i bën të thonë që nuk i votojmë ata?, tha Rama./CNA.al





Lajmet e fundit nga