web counter
LEXO PA REKLAMA!

SHKARKO APP

App Store
Google Play

E fundit!

x

Fushata ndryshe në Shkodër/ Benet Beci tregon vizitën në zyrën elektorale të PD

22 Prill 2021, 21:01, Politikë CNA

Pas 15 vjetësh në Fondin Shqiptar të Zhvillimit dhe më pas në KESH, tani Benet Beci garon për t?u bërë pjesë e Parlamentit të ri si kandidat i Partisë Socialiste në Qarkun e Shkodrës.

Ai thotë se ?akoma nuk ndihem rehat me kostumin e politikës?, por nga ana tjetër thekson se ky ishte momentin i duhur për të hyrë në politikë pasi e sheh si derë për të zhvilluar më tej vendin.

Z. Beci duke iu referuar historikut të rezultatit të zgjedhjeve në Shkodër shprehet se ?bastion nuk është termi i duhur për një zonë që pret të zhvillohet? dhe sipas tij ?Shkodra ka nevojë të dalë nga zona e bastionit?.

Për rezultatin e 25 prillit tha se pret që PS të marrë të paktën 4 mandate dhe lufton për një mandat të pestë. Deri tani fushatën e konsideron ?shumë të qetë dhe pozitive nga të dy anët? dhe tregon madje se ka vizituar dhe një nga zyrat elektorale të PD.

?Sot kalova në një nga zyrat e PD rastësisht dhe hyra e i përshëndeta. U takuam, i  uruam njeri tjetrin në mënyrë qytetare. Këtu atmosfera besoj është e qetë. Ky është një qytet ku njerëzit njihen dhe marrëdhëniet qytetare edhe njerëzore janë shumë të rëndësishme dhe besoj pasi njerëzit këtu mund të mos bien dakord me idetë e tua por pranojnë ta flasin?, u shpreh kandidati i PS.

Benet Beci foli për disa investime strategjike në infrastrukturë në zonën e veriut, që do ta integrojnë tha ai si pjesë e ofertës rajonale për turizmin.

?Kemi nisur rrugën për në Koman, kemi ndërtuar rrugë për në Velipojë, një tjetër aks shumë i rëndësishëm është aksi që lidh Shëngjinin me Velipojën. Këto investime zgjerojnë tregun dhe e lidhin me Ulqinin dhe më gjerë, deri në Kroaci. Kjo krijon një ofertë turistike rajonale. Duhet të ndezim zinxhirin e investimeve publike që pasohet nga investimet private. Me pak investime mund të jesh në gjendje të shtosh turistët rajonalë?, përfundoi ai./euronews





Lajmet e fundit nga