web counter
LEXO PA REKLAMA!

SHKARKO APP

App Store
Google Play

Makina e kapur në Maqellarë/ Rama: PD i ka duart e lyera me gjak, skema e njëjtë me atë të Elbasanit

22 Prill 2021, 19:22, Politikë CNA

Kryeministri Edi Rama ka folur për ngjarjen në Maqellarë, ku përfaqësues të PD ndaluan një makinë në të cilën u gjendën 5 milionë lekë dhe nga opozita u akuzua se me këto lekë do bliheshin vota.

Sipas shefit të qeverisë, e vetmja parti që ka strukturë për mbrojtje vote dhe që e ka të armatosur është PD, ndërsa shtoi se kjo parti që akuzon mazhorancën i ka duart e lyera me gjak.

Nga studio e Opinion, Rama tha se skema në Maqellarë është e njëjtë me atë të Elbasanit, me ndryshimin që fatmirësisht nuk kishte viktima, që sipas tij kanë për qëllim të njollosin procesin dhe vetë PS.

?Ajo që dimë zyratrisht dhe që është pranuar nga PD është që kemi një strukturë të armatosur që kanë vrarë një njeri dhe kanë plagosur një efektive policie për të mbrojtur votën. E gjithë kjo skenë është një tjetër arsye pse qytetarët duhet të votojnë masivisht PS në 25 prill. Është njësoj si skema e Elbasanit por fatmirësisht këtu nuk ka viktima. Preshin e jep prokuroria dhe policia. Këto skema janë parë prej shumë vitesh nga e njëjta forcë, nga PD. Akuzat që ngrihen janë pjesë e të njëjtës strategji për të ndotur procesin dhe PS dhe ata që i bëjnë akuzat i kanë duart me gjak. Kanë vrarë një njeri dhe kanë plagosur një tjetër?, tha Rama./CNA.al





Lajmet e fundit nga