web counter
LEXO PA REKLAMA!

SHKARKO APP

App Store
Google Play

E fundit!

x

Votimi elektronik/ Celibashi: Fshehtësia e votës është 100% e sigurt

22 Prill 2021, 20:08, Politikë CNA

Kryekomisioneri Ilirjan Celibashi ka dhënë detaje të tjera në lidhje me votimin elektronik në njësinë 10 në Tiranë ku është shprehur se partitë politike kanë theksuar se rezultati i shpallur menjëherë mund të kishte demotivim ndaj dhe është vendosur ora 8 e mëngjesit për shpalljen e tij.

Celibashi në një intervistë për Log të Endri Xhafos shtoi se,64 pajisje do të grumbullohen tek qendra e numërimit të votave sepse sipas tij, për transparencë numërimi nuk do të bëhet online, por në sy të publikut.

?Integriteti i votës dhe fshehtësia e votës është 100% nuk ka asnjë lloj mundësie as kompania vetë që të shikojë se për ka votuar zgjedhësi. Kemi pasur raste që ka qenë në moshë të thyer ku ne patëm vështirësi për mënyrën se si do të bëhet votimi.

Partitë janë njëlloj dhe nuk ka rëndësi një emër i përveçëm, ndaj preferoj të mos them partinë që e kërkoi një gjë të tillë por ka pas dhe një diskutim me të gjithë partitë e tjera dhe ramë dakord që rezultatin e njësisë 10 në Tiranë do e japim në orën 8 të mëngjesit. 64 pajisje do të grumbullohen tek qendra e numërimit të votave, për këtë kemi rënë dakord, pasi për çështje sigurie nuk kemi vendosur që të bëhet online por të bëhet në sy të publikut. Rasti i shtyrjes së orarit të votimit në të gjithë territorin merret vetëm në ndonjë arsye të madhe që mund të ndodhë në ditën e votimit?, ka thënë ai./CNA.al





Lajmet e fundit nga