web counter
LEXO PA REKLAMA!

SHKARKO APP

App Store
Google Play

“Nuk mund të ktheheni pas”/ Rama: Mona, Likja, Basha e duan Shqipërinë për vete

19 Prill 2021, 11:39, Politikë CNA

Kryeministri Edi Rama në një takim elektoral me banorët në Peqin është shprehur se do të ndihmojë të rinjtë që shtëpitë e vjetra të gjyshërve ti kthejnë në bujtina.

Ai tha gjithashtu se nuk do të lejojë që të vendi të kthehet prapa sepse sipas tij kreu i PD, Lulzim Basha, ish-kryeministri Sali Berisha, kryetarja e LSI-së Monika Kryemadhi dhe Presidenti Ilir Meta e duan për vete Shqipërinë.

?Këtu ka shumë familje që kanë shkuar në emigracion, por këtu kanë gjyshin, tokën. Ne do të ndihmojmë këta të rinj që të hapin shtëpinë e babës dhe ta kthejë ato në bujtinë. Ne do të ofrojmë 5 mijë euro për këto dhe do i japim amnisti, duke bërë që të ketë më shumë të ardhura se jashtë shtetit.

Në Peqin dhe në Elbasan kemi sfidën të realizojmë fitore shembullore, kuptimplotë, që të jetë rezultat i këtij shiu paralajmërues të kthyer në breshër në kutinë e votimit. Kutitë janë momenti më i rëndësishëm për popullin, sepse shihet do të ngjitemi para apo do kthehemi mbrapa. Nuk do lejojmë të kthehesh tek Dash Sula, pasha Zotën.

Por nuk kthehesh prapë as tek Basha, Saliu, Mona e Lika, sepse ato e duan Shqipërinë për vete, ne e duam për Shqipërinë. Më 25 prill të marrim një vendim të qartë, ta bëjmë shtëpinë të ardhmen tonë, të bashkuar nuk ka gjë që na ndal. Ne nuk na ndali dot tërmeti, virusi, nuk na ndal asgjë në rrugën tonë?, u shpreh Rama./CNA.al

 

 





Lajmet e fundit nga