web counter
LEXO PA REKLAMA!

SHKARKO APP

App Store
Google Play

E fundit!

x

Skandali me të dhënat personale të qytetarëve/ Meta i kërkon llogari Ramës

19 Prill 2021, 11:07, Politikë CNA

Presidenti Ilir Meta në një konferencë për mediat i ka kërkuar llogari kryeministrit Edi Rama, në lidhje me përdorimin e të dhënave personale të qytetarëve, të cilat  kanë qarkulluar në media, në kuadër të zgjedhjeve të 25 prillit.

Meta ka zbuluar pyetjet drejtuar SPAK për zbulimin e të dhënave të qytetarëve. Gjithashtu ka kërkuar nga SPAK dhe organet përkatëse dhe Ramës tu përgjigjen pyetjeve.

Këto janë pyetjet e Presidentit, drejtuar Kryeministrit.

1-Cila është procedura konkrete e plotësimit të listës nga PS. Nga janë marrë të dhënat e çdo personi dhe mbi ç?bazë është bërë ruajtja?

2-Cila është baza ligjore e ruajtjes së tyre në servera pa dijeninë e personave.

3-Cilët janë personat që kanë përpiluar këtë listë?

4-Nëse të dhënat janë marrë nga të dhënat, ku ekziston materiali shkrimor i qytetarëve, që e lejojnë këtë?

5-Po nëse qytetarët nuk kanë dorëzuar të dhënat personale që gjenden në këto lista, nga janë marrë ato?

6-Në lista ka emra njerëzish që mbajnë detyrën e patronazhit, a janë pyetur personat për këtë?

7-Kush janë personat që kanë pasur dijeni për këto komente e shënime dhe c?ndodh me to?

8-Si përshkruhet që është e shkruara e zeza mbi të bardhë preferenca e qytetarëve?

9.Kush do mbajë përgjegjësi nëse përdoren nga mafia kombëtare e ndërkombëtare. Ju dhashë prova si u bë në Maqedoni, u pranua nga autoritetet, me qytetarë në Bashkinë e Korçës e Pustecit, madje dhe nga Dibra, e mund të ketë ndodhur në shumë Bashki.

10.A e mendon ti se me këtë që ke bërë i ke hapur derën krimit kibernetik dhe vjedhjes së identiteteve.CNA.al





Lajmet e fundit nga