web counter
LEXO PA REKLAMA!

SHKARKO APP

App Store
Google Play

E fundit!

x

Rrëfehet Rama/ “Babai s’donte të dilte me mua se i kisha këmbët e shtrembra”

18 Prill 2021, 19:42, Politikë CNA

Kryeministri Edi Rama, si rrallëherë më parë, ka folur për marrëdhëniet e tij me prindërit e ndjerë, Anetën dhe Kristaq Ramën.

Rama tha se kur ka qenë i vogël, babai nuk pranonte të dilte me të për shkak se i kishte këmbët e shtrembra.

?Im atë e kishte problem të dilte me mua kur isha i vogël se i kisha këmbët shumë të shtrembra. E kishte problem që çfarë është ky çun i jonë, nga ngjau por këmbët u drejtuan me kalimin e kohës?, u shpreh ai në emisionin “E Diell”, ndërsa më tej u ndal te pasioni i Kristaq Ramës për fotografinë.

?Im atë kishte një aparat fotografik që e kishte marrë që kur ishte student në Bashkimin Sovjetik dhe kishte një laborator të vogël në studion e vet dhe ai i bënte këto fotografi. Ishte kronikani i familjes sonë dhe kjo është një fotografi e bërë nga im atë. Hera herës fotografonte jetën familjare?, tregoi kreu i qeverisë.

Teksa u pyet për studimet në Lice, kryeministri zbuloi se figurën autoritare në shtëpinë e tij e luante Aneta.

?Unë kam bërë namin për të shkuar në lice dhe në fund fare, ai ra dakord se e pa që unë isha shumë këmbëngulës dhe doja të shkoja pikërisht aty. Ka qenë figurë e rëndësishme për mua sepse ishte një hapësire lirie, ndërkohë që ime më ishte shumë më tepër autoritare. Fuqi autoritare në shtëpinë tonë ishte Aneta, jo Kristaqi?, rrëfeu Rama./ CNA.al





Lajmet e fundit nga