web counter
LEXO PA REKLAMA!

SHKARKO APP

App Store
Google Play

E fundit!

x

“PD-LSI janë inekzistente”/ Nasip Naço iu përgjigjet akuzave të opozitës për shit-blerjen e votave

13 Prill 2021, 15:02, Politikë CNA

Nasip Naço, i cili në këto zgjedhje renditet i katërti në Qarkun e Beratit në listën e PS është shprehur optimist se mazhoranca aktuale do të ketë një rezultat të mirë në këtë qark.

Naço, ish ministri i Drejtësisë në kohën e LSI dhe krahu i djathtë i Ilir Metës, sot e sheh si inekzistente partinë e presidentit në Berat.

Në një intervistë për CNA.al, kandidati për deputet theksoi se PS i ka të garantuara pesë mandate, ndërsa shtoi se mandati i gjashtë po shihet për pak vota.

?Unë besoj se fushata po ecën sipas parashikimeve të programit që ka PS në terren në takimet me njerëzit. Fushata për mua është e qetë pasi dy forcat e tjera gati-gati janë inekzistente dhe ne tani problemin që kemi me veten është të zgjidhim problemet, të përzgjedhim kandidatët më të mirë dhe besoj që fitorja do jetë bindëse në këto zgjedhje.

Unë besoj që e majta ose PS 5 mandate i ka të garantuara, ndërsa mandati i gjashtë është duke u diskutuar për pak vota ose nuk e di kush do të jetë nga forcat e tjera, nuk më intereson shumë?, tha Naço.

Kandidati i PS i pyetur nëse ka hasur në terren probleme sa i takon shit-blerjes së votës, u shpreh se ky fenomen nuk ka ekzistuar asnjëherë dhe sipas tij e gjithë kjo është alibi e PD-LSI për të justifikuar humbjen e tyre në këto zgjedhje.

?Nuk besoj që të jetë ky fenomen. Ky më shumë është alibi e opozitës për të justifikuar humbjen në zgjedhje, pasi kryetarët e radhës duan të largohen dhe duan të krijojnë alibi që po shiten, po blihen votat, po prishen zgjedhjet. Për mua nuk ka ekzistuar ndonjë herë në qarkun e Beratit as dje as sot. Janë gjithmonë probleme që i ka ngritur lidershipi për të justifikuar humbjen?, deklaroi ai.

Nasip Naço  kërkoi votëbesimin e qytetarëve për të çuar deri në fund reformat e nisura dhe për t?i dhënë zgjidhje problemeve ekzistuese. Sipas tij, pandemia dhe tërmeti i 26 nëntorit 2019 kanë ndikuar për të lënë në mes një sërë reformash, ndërsa shprehu bindjen se PS është alternativa e vetme dhe më e mirë për shqiptarët.

?Unë e shikoj në sytë e qytetarëve çdo ditë, në takimet që bëj. Besoj që punët e lëna për gjysëm duhet t?i vazhdojë kjo mazhorancë që ka vizion dhe një drejtim i cili e ka orientuar në drejtim të zgjidhjes së punëve dhe problemeve. Sigurisht që ka ndikuar pandemia dhe tërmeti, por kjo nuk do të thotë që nuk është në drejtimin e duhur, në rrugën e duhur. Ka patur probleme, mosrealizim të objektivave, por është në rrugën e duhur.

Ne nuk jemi më të mirët por nuk ka alternativë tjetër. Nuk ka në terren forca të tjera politike, janë pothuajse inekzistente. Raporti sot që ne flasim është 80 me 20%?, u shpreh Nasip Naço në një intervistë për CNA.al.





Lajmet e fundit nga