"Ndryshimi do të vijë nga Vlora”/ Arbi Agalliu paralajmëron surpriza

13 Prill 2021, 10:36, Politikë CNA

Eksperti i ekonomisë, Arbi Agalliu garon për deputet, i katërti në listën e PD-së në qarkun e Vlorës.

Në një intervistë për CNA.al ai është shprehur se Partia Demokratike dhe Aleanca për Ndryshim janë të bindura për fitoren e 25 Prillit dhe se ky ndryshim do të vijë nga Vlora.

Sipas të njëjtit, rezultati në Vlorë do të jetë mbreslënës si kurrë më parë në favor të Partisë Demokratike.

?Ndryshe nga Partia Socialiste, e cila pati të gjitha mundësitë për ta zhvilluar jo vetëm qytetin e Vlorës por të gjithë Shqipërinë dhe fatkeqësisht ndodhi krejt e kundërta. Gjatë 8 viteve qeverisje ne patëm largim masiv të të rinjve, ne patëm mbyllje të bizneseve, ne patëm largim të investitorëve të huaj, shtim të numrit të familjeve të varfra. I vetmi sektor që u zhvillua gjatë kësaj qeverisje ishte pikërisht zhvillimi i trafiqeve të lëndëve narkotike?, është shprehur ai.

Sipas Agalliut, në këtë kontekst Partia Demokratike ndryshe nga ajo Socialiste do t?i rikthejë qytetit të Vlorës dinjitetin e munguar, do t?i rikthejë entuziazmin qytetit, do të zhvillojë turizmin e biznesin si dhe do të rrisë punësimin.

Intervista e plotë:

Jemi vetëm disa ditë larg nga zgjedhjet parlamentare të 25 Prillit, si po ecin takimet elektorale?

Takimet me qytetarët, banorët të zonave të ndryshme të qarkut të Vlorës specifikisht zonën që unë mbuloj është duke ecur në mënyrë krejt intensive dhe me ritme të larta. Nga mëngjesi deri në mbrëmje zhvillohen takime me grupe të caktuara interesi me banorë të komuniteteve të caktuara, me banorë të zonave me bizneset duke dëgjuar shqetësimet që ata kanë dhe problematikat që ata kanë duke evidentuar çdo element që shërben në përmirësim të jetës së tyre dhe duke shpjeguar programin e Partisë Demokratike.

Si paraqitet situata në Vlorë?

Dihet që Vlora është një qytet me njerëz me temperament, një qytet me njerëz të cilët reagojnë fort ndaj padrejtësive. Kështu që në këtë kontekst situata në Vlorë është tejet pozitive me emocion dhe me ritëm. Vlora është një qytet për të cilin kam bindjen që do reagojë sikurse ka reaguar gjithmonë ndaj çdo elementi që nuk e përqafon.

Sa është numri i mandateve që synoni në Vlorë?

Të flasësh për numrin e mandateve patjetër që është një përgjegjësi e madhe. Partia Demokratike dhe Aleanca për Ndryshim është e bindur për fitoren e 25 Prillit sikurse është e bindur që ky ndryshim do të vijë nga Vlora. Rezultati në Vlorë do të jetë mbreslënës si kurrë më parë në favor të Partisë Demokratike, në favor të së mirës, në favor të ndryshimit dhe në kthim të normalitetit një orë e më parë.

Si jeni pritur nga qytetarët dhe cilat kanë qenë shqetësimet më të shpeshta që ata ju kanë shprehur?

Çdo qytetar ka pritur përfaqësuesit e Partisë Demokratike në mënyrën më të mirë të mundshme duke evidentuar problemet e shumta që ka sot Vlora. Ato janë ekonomike, janë sociale dhe lidhen me shëndetin, me infrastrukturën lidhen me pronësinë e shumë të tjera të cilat kanë nxitur banorët e Vlorës të largohen duke boshatisur këtë qytet çdo ditë e më tepër. Kështu që Partia Demokratike premton rikthimin e një orë e më parë të normalitetit duke e bërë Vlorën një qytet atraktiv sikurse e meriton.

Lidhur me shqetësimet që shprehin banorët është për të ardhur keq sepse Vlora është kthyer një qytet që i ka vdekur emocioni. Është një qytet që nuk ka kinema, një qytet që nuk ka një teatër funksional, është një qytet që meriton shumë më shumë por sot rinia e Vlorën ndihet e braktisur. Është një rini e cila nuk ka me çfarë të merret në kohën e lirë, e cila pasditeve mbyllet në shtëpi dhe nuk gjen dot asnjë element në qytet për zhvillimin e saj qoftë nga pikëpamja intelektuale apo dhe ajo kreative dhe argëtimi.

Çfarë do të bëni ndryshe nga PS, ju për qytetin e Vlorës?

Ndryshe nga Partia Socialiste, e cila pati të gjitha mundësitë për ta zhvilluar jo vetëm qytetin e Vlorës por të gjithë Shqipërinë dhe fatkeqësisht ndodhi krejt e kundërta. Gjatë 8 viteve qeverisje ne patëm largim masiv të të rinjve, ne patëm mbyllje të bizneseve, ne patëm largim të investitorëve të huaj, shtim të numrit të familjeve të varfra. I vetmi sektor që u zhvillua gjatë kësaj qeverisje ishte pikërisht zhvillimi i trafiqeve të lëndëve narkotike.

Një qytet si Vlora sot numëron mbi 85 të rinj të zhdukur të cilët u përdorën nga struktura të caktuara pranë qeverisë dhe me pas nuk dihet fati i tyre.

Kështu që në këtë kontekst Partia Demokratike ndryshe nga ajo Socialiste do ti rikthejë qytetit të Vlorës dinjitetin e munguar. Do ti rikthejë entuziazmin këtij qyteti, do të zhvillojë turizmin , do të zhvillojë biznesin, do të rrisë punësimin dhe do t?ju japi bizneseve frymëmarrje nëpërmjet taksave të ulëta./CNA.al