web counter
LEXO PA REKLAMA!

SHKARKO APP

App Store
Google Play

“PS është forca e parë në Shqipëri”/ Çuçi: Këtë e thotë edhe opozita

13 Prill 2021, 14:36, Politikë CNA

Ministri i Brendshëm Bledi Çuçi, gjatë një takimi elektoral në Libohovë  të Gjirokstrës është shprehur  se në 2013 Shqipëria ishte gati në rrënim.  Sipas tij, në atë periudhë Gjirokastra rrezikonte të dilte nga UNESKO.

 ?Investimet pa diskutim që në Libohovë janë të dukshme. Këtu ku jemi tani nuk do të kishim mundur të bënim dot një takim të tillë nëse nuk do të ishte bërë investimi në kuadër të programit të rilindjes urbane. Në 2013 e kemi gjetur Gjirokastrën dhe gjithë Shqipërinë gati në rrënim. Gjirokastra rrezikonte të dilte nga UNESCO. Ne jemi krenarë që vijmë dhe flasim prapë me ju, që prezantojmë çfarë kemi bërë, por me energji të reja, për t?ju thënë se kemi ende projekte për të finalizuar?, tha Çuçi.

Më tej, Çuçi u shpreh se PS ka vendosur një standard të ri sepse sipas tij, ka bërë çdo gjë që ka premtuar. Ai shtoi, se nuk duhet të humbasin asnjë votë qoftë për neglizhencë apo inate personale.

Sipas tij, Partia Socialiste është forca e parë në Shqipëri dhe këtë e thotë edhe opozita.

 ?Unë jam i sigurt që askush nuk ka dilemë se kush është partia dhe lideri që duhet të vazhdojë ta udhëheqë Shqipërinë, por nuk duhet të humbim asnjë votë. Dhe kjo jo sepse kemi frikë që nuk jemi partia e parë dhe nuk bëjmë dot qeverinë.

Jo! Këtë e thotë edhe vetë opozita, vetë sondazhet e saj tregojnë se Partia Socialiste është forca e parë në Shqipëri,forca më e votuar nga shqiptarët. Të mos humbasim asnjë votë, qoftë për neglizhencë apo për inate personale, sepse duhet që të marrim një mazhornacë absolute që ta bëjmë qeverinë të vetëm, pa patur nevojë për koalicione me parti apo individë që nuk bëjnë gjë tjetër veçse ngadalësojnë shpejtësinë e qeverisjes?, tha Çuçi .





Lajmet e fundit nga