web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi me Becchettin/ Basha: Prokuroria duhet të kishte marrë si të pandehur Ramën, Veliajn dhe Agaçin

13 Prill 2021, 19:39, Politikë CNA

Kryedemokarti Lulzim Basha ka komentuar në lidhje më humbjen e gjyqit të qeverisë kundër biznesmenit Francesco Becchettin, duke shtuar se ky është një rast korrupsioni.

Më tej, ai shprehet se prokuroria duhet të kishtë marrë si të pandehur Edi Ramën, Erjon Veliajn dhe Engjëll Agaçin.

Këto para të cilat shteti shqiptar iu detyrohet për shkak të arbitrazheve dhe gjyqeve të humbura prej abuzivizmit, prej korrupsionit. Rasti i Agon Channel është rast jo vetëm korrupsioni , por presioni korruptive në media për të ndryshuar linjën editoriale, kjo është vepër penale. Së pari sot që flasim prokuroria duhet të kishte marrë të pandehur Edi Ramën, Erjon Veliajn dhe Engjëll Agaçin. Sepse faktet janë publike.

Së dyti me ardhjen në pushtet të koalicionit një nga ligjet e para që do të kalojmë jo vetëm për këto që kanë ndodhur por edhe si garanci që këto s?do të ndodhin më, as nën qeverisjen tonë dhe as në të ardhmen, do të jetë ligji i përgjegjësisë personale financiare për akte që dëmtojnë financat publike.

Që do të thotë nëse një zyrtar dëmton financat taksapaguesve, buxhetin e shtetit, taksat e qytetarëve me vetë dije për të favorizuar veten e vet apo për një tekë politike do të përgjigjet me pasurinë e vet personale dhe për këtë ne nuk do të shpikim gjë, po do të marrim shembuj të vendeve që kanë patur përvoja të hidhura qoftë në kuptimin e hartimit të ligjit, qoftë në kuptimin e zbatimit të ligjit për të cilin dua ta përsëris se tashmë prej dhjetorit të 2018 Partia Demokratike dhe unë personalisht jemi në kontakt me institucione të specializuara ndërkombëtare për gjurmimin e aseteve të zyrtarëve të korruptuar. Siç është Interpoli, Europoli dhe agjenci të tjera?, u shpreh Basha në një intervistë për OraNews./CNA.al





Lajmet e fundit nga