web counter
LEXO PA REKLAMA!

SHKARKO APP

App Store
Google Play

Vota e pavlefshme/ Celibashi tregon 3 mënyrat për plotësimin e fletës

13 Prill 2021, 20:33, Politikë CNA

Komisioneri Shtetëror i Zgjedhjeve, Ilirjan Celibashi ka treguar mënyrat e votimin në zgjedhjet parlamentare te 25 prillit. Sipas tij, nuk mund të votohen dy kandidatë të së njëjtës forcë politike.

Ai shtoi se zgjedhësi ka të drejtë të votojë partinë politike dhe vetëm një kandidat të atij subjekti apo koalicioni.

 ?Zgjedhësi ka vetëm 3 mënyrë për plotësimin e fletës së votimit. Ai mundet të votojë vetëm për partinë politike ose koalicionin, pa zgjedhur asnjë kandidat. Nëse ai vendos të mos zgjedhë asnjë kandidat të këtij subjekti apo koalicioni është i lirë që ta bëjë këtë gjë dhe fleta konsiderohet e vlefshme. Opsioni tjetër është ai ku zgjedhësi ka të drejtë të votojë partinë politike dhe vetëm një kandidat të atij subjekti apo koalicioni.

Vendosim kryqin tek partia dhe nëse zgjedhim një kandidat vendosim kryqin te numri. Nuk mund të votohen 2 kandidatë nga e njëjta forcë. Nuk mund të votojmë për partinë politike dhe për kandidatin e një subjekti tjetër. Opsioni i tretë është kur voton vetëm për një kandidat, por nuk do të zgjedhësh partinë. Kjo fletë votimi është e vlefshme por vota e kandidatit shkon edhe për partinë. Çdo mënyrë tjetër votimi jashtë këtyre opsioneve e bën fletën e pavlefshme?, tha Celibashi./CNA.al

 

 

 

 





Lajmet e fundit nga