web counter
LEXO PA REKLAMA!

SHKARKO APP

App Store
Google Play

E fundit!

x

“Shkatërroi ekonominë”/ Basha: Shqiptarët nuk do të zgjedhin një kryeministër arrogant

13 Prill 2021, 19:30, Politikë CNA

Kryetari I Partisë Demokratike Lulzim Basha është shprehur se shqiptarët nuk do të votojnë edhe katër vite të tjera për këtë qeveri.  Më tej, ai tha se shumica e socialistëve thonë që ka ardhur koha për ndryshim.

Ai shton se është përgjegjësi e prindërve shqiptaër që të moslejojnë që tu vidhen edhe disa vite të tjera fëmijëve të tyre.

“Nuk ka asnjë shans që shqiptarët të zgjedhin edhe 4 vjet të tjera si këto 8 që kaluan dhe është pikërisht kjo garancia sepse këto 8 vite janë shënuar nga rënia ekonomike, nga rritja e varfërisë, nga papunësia, nga rritja e çmimeve, e taksave , pra e  kostos së jetës, nga emigracioni në nivele rekord i rinisë, nga shkatërrimi i institucioneve dhe mbi të gjitha këto një kryeministër arrogant, përqeshës dhe tallës me qytetarët.

Pra këdo që të pyesësh edhe socialistët e thjeshtë, shumicën dërrmuese të socialistëve, përgjigja është ka ardhur koha për ndryshim, përgjigja është ka ardhur koha për ndryshim. I vetmi mesazh që dua të përsëris, është që ky ndryshim është në dorën e shqiptarëve, është përgjegjësi e çdo shqiptari, në veçanti është përgjegjësi e prindërve shqiptarë që të mos lejojnë që tu vidhen edhe 4 vite të tjera fëmijëve të tyre.”, u shpreh Basha në një intervistë për OraNews. /CNA.al





Lajmet e fundit nga