E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Basha kthen vëmendjen te tërmeti/ Vlerësimi i banesave jo transparent, dëmshpërblimet të pandershme

13 Prill 2021, 18:28, Politikë CNA

Kreu i Partisë Demokratike, Lulzim Basha, ka zhvilluar një bashkëbisedim me disa punonjëse të një fasonerie në Durrës. Pandemia e cila ka dëmtuar shumë sektorin e fasonerisë, ndërsa Durrësi nuk ka marrë ende veten nga pasojat e tërmetit të 26 nëntorit të 2019-ës.

Sa i përket procesit të rindërtimit, Basha tha se Partia Demokratike ka ngritur një grup arkitektësh, urbanistësh, inxhinierësh, si dhe ka kërkuar ndihmën e një kompanie të specializuar që e përdor NATO dhe Bashkimi Europian në raste fatkeqësish të tilla, në mënyrë që ditën e parë përveç transparencës, rivlerësimit të dëmit, të nisë me shpejtësi procesi i ndërtimit i cili, sipas tij, ka mbetur peng i interesave korruptive dhe klienteliste.

?Procesi i vlerësimit të banesave ka qenë jo transparent dhe diskriminues. Kur procesi i vlerësimit është jo transparent dhe diskriminues, edhe procesi i dëmshpërblimit apo i rindërtimit po kështu është i pandershëm. Në Durrës unë kam dëgjuar nga gojët familjarëve se si një shtëpi apo një apartament i shkatërruar, një DS5, fillimisht është shënuar si i tillë, pastaj është bërë DS3 apo DS1.

Ndërkohë që kam dëgjuar edhe për raste kur ka patur dëme fare të vogla, madje edhe raste ku s?ka patur asnjë dëm dhe ku ka funksionuar një skemë ku zyrtarët, qeveritarët, i kanë ofruar një familje që të pretendoj se u është dëmtuar banesa, madje u kanë thënë edhe prisheni që tu japim DS5 dhe të ndajmë paratë me njëri-tjetrin. Prandaj hapi i parë që do të bëjmë është rivlerësimi i drejt i dëmeve në bazë të ankesave të qytetarëve. Paralel me këtë do të bëjmë gjithçka që procesi të ecë sa më shpejt. Arsyet e vonesës së procesit të ndërtimit të shtëpive dhe objekteve të prishura nga tërmeti nuk kanë të bëjnë me ato që deklarojnë kryeministri në ikje.

Ne kemi ngritur një grup të jashtëzakonshëm, emra që besoj njihen në të gjithë Shqipërinë, arkitektësh, urbanistësh, inxhinierësh, si dhe kemi kërkuar ndihmën e një kompanie të specializuar që e përdor NATO dhe Bashkimi Europian në raste fatkeqësish të tilla në mënyrë që ditën e pare përveç transparencës, rivlerësimit të dëmit, të nisë me shpejtësi procesi i ndërtimit i cili ka mbetur peng i interesave korruptive dhe klienteliste. Kjo sa i përket tërmetit?, theksoi kreu i opozitës ndër të tjera./ CNA.al