E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj kanë kremtuar sot Ditën e Ashures, n...

Bathës i shtohet oreksi: Pse të mos besojmë te mrekullitë

5 Prill 2021, 08:10, Sport CNA

Idriz Batha, kapiteni i Tiranës, mendon se edhe bardheblutë duhet të besojnë tashmë se mund të arrijnë te titulli kampion, si katër skuadrat që kanë përpara në renditje. Ngushtimi në 5 pikë i diferencës me kreun bën të arritshëm këtë objektiv, edhe pse Batha shpjegoi në ?Rubrika Sportive? se të gjithë duhej të besonin se mund të arrinin një objektiv të tillë.

?Që në pjesën e parë e kishim ne në kontroll lojën me zotërim topi e çdo gjë. Por futbolli është i tillë, e pëson kur nuk ta merr mendja, pësuam gola të shpejtë. Por kur u futëm në dhomat e zhveshjes pamë njëri-tjetrin në sy, e kuptuam dhe kishim besim dhe ia arritëm.

Shehi na tha që kishte besim se nuk duhej asnjë futbollist të ishte i mërzitur e me kokën poshtë, dihet që me kualitetet që kemi të mos llogaritim këtë ndeshje. Ishim të gjithë të bindur, jo vetëm trajneri. E kuptuam ku e kishte pikën e dobët Apolonia.

Apolonia është ekip shumë i fortë. Kampionati këtë vit është shumë i çuditshëm, të gjitha ekipet janë gati të një niveli, çdo ekip të merr pikë e të prish punë aty ku nuk ta merr mendja, ashtu si mund të fitosh ku të duket e vështirë. Apoloninë e kishim studiuar dhe të them që kishte një fakt interesant se në 9 a 10 javë të gjitha ndeshjet i kishte humbur me 1 gol diferencë, sot ishte humbja e parë e rëndë. Unë personalisht dua t?i komplimentoj klubin se po bëjnë një kampionat të fortë e që kanë vlera.

Në këtë kampionat një pikë, një pikë është e rëndësishme. Kështu u afruam ne, tani përse të mos besojmë te mrekullitë? Mundësitë i kemi. Por është pa diskutim e vështirë se si ne mendojnë edhe ekipet e tjera. Do të jetë garë e fortë, padyshim nuk jemi ne pretendentët kryesore për sa kohë që jemi në vendin e pestë. Sado që brenda zemrës të gjithë e dinë që nuk kemi asgjë më pak se ekipet e tjera, i kemi mundësitë për të qenë superiorë ndaj çdo ekipi, kemi ekip me kualitet e nuk duhet diskutuar. Por futbolli është i çuditshëm, futbolli ka pjesën e fatit e përqendrimit. Na kanë rrëshqitur këmbët në disa ndeshje. Sigurisht është edhe faji ynë, nuk mund të themi gjithmonë se është fati. Por u ka ndodhur edhe ekipeve më të mëdha në botë. Për momentin jemi 5 pikë larg vendit të parë dhe të ëndërrojmë?, tha Batha.