web counter
LEXO PA REKLAMA!

SHKARKO APP

App Store
Google Play

Moti merr kthesë/ Fundjava parashikohet me reshje shiu, shtrëngata dhe dëborë

2 Prill 2021, 16:56, Sociale CNA

Ndryshim i menjëhershëm ndodh me motin këtë fundjavë. Të shtunën e deri mesditën e së dielës do të mbizotërojë moti i vranët, më tej do të nisin kthjellimet.

Reshjet e shiut do të nisin në veri të vendit të shtunën e gjatë pasdites do të fitojnë intensitet me rrufe në veri dhe në qendër. Lokalisht priten stuhi shoqëruar me breshër. Në mbrëmje reshjet e shiut përfshijnë dhe jugun por me intensitet të ulët.

Që prej orëve të para të ditës së dielë parashikohen reshje shiu intensive, shtrëngata e rrufe në të gjithë veriun, qendrën e bregdetin. Sipas Shërbimit Meteorologjik, do të rikthehen reshjet e dëborës së dendur që prej mëngjesit deri në orët e paradites në alpe, verilindje e lindje deri 900m.

Në jug e juglindje priten reshje shiu me intensitet të ulët e përkohësisht mesatar. Prej mesditës reshjet do të përqendrohen në zonat malore me intensitet të ulët për tu ndërprerë plotësisht pasdite.

Era nis nga kuadrati i jugut e kthen të dielën verilindje e veri mesatare e hera herës e vrullshme në bregdet duke u pasuar nga valëzim i forcës 4 dhe 5 ballë.

Temperaturat parashikohet të pësojnë rënie të menjëheshme ditën e diel, rënie e cila do të vijojë në mbrëmje./ CNA.al





Lajmet e fundit nga