web counter
LEXO PA REKLAMA!

SHKARKO APP

App Store
Google Play

E fundit!

x

Becchetti fitoi 110 milionë euro/ Reagon Meta: SPAK të nis urgjentisht hetimet

2 Prill 2021, 18:14, Politikë CNA

Qendra Ndërkombëtare për Zgjidhjen e Mosmarrëveshjeve të Investimeve (ICSID), e dënoi Shqipërinë në Prill të vitit 2019 me 110 milion euro, duke gjykuar se mbyllja e televizionit ishte ?motivuar politikisht?.

Sot qeveria shqiptare humbi përfundimisht gjyqin me sipërmarrësin italian Francesco Becchetti. Mbi këtë çështje ka reaguar edhe Presidenti Ilir Meta. Ai u shpreh se kishte paralajmëruar prej kohësh qeverinë që të hiqte dorë nga arroganca.

?E kam paralajmëruar prej kohësh Qeverinë ende në detyrë të heqë dorë nga arroganca dhe të tërhiqet nga çdo vendim abuziv e jashtë procedurave ligjore ndaj investitorëve të huaj në vendin tonë.
Vetëm për tekat dhe kapriçot personale të Kryeministrit, i cili e urren edhe lirinë e medias, tashmë Shqipëria është e detyruar të paguajë 110 milion euro?, shkruan Meta.

Më tej,  Meta i bën thirrje SPAK që të nisë  menjëherë hetimet penale për shkak të dëmit të madh ekonomik që i është shkaktuar shtetit shqiptar.

?Në këto kushte, i bëj thirrje Prokurorisë së Posaçme Antikorrupsion (SPAK), të nisë urgjentisht hetimet penale për këtë dëm të madh ekonomik të shkaktuar shtetit dhe që do paguhet fatkeqësisht me paratë e të gjithë taksapaguesve shqiptarë.
Është koha, që Drejtësia të vendosë para përgjegjësisë ligjore, të gjithë shkaktarët e këtij dëmi ekonomik, edhe për të parandaluar në të ardhmen dëme më të mëdha për Buxhetin e Shtetit dhe taksapaguesit shqiptarë, për shkak të shpërdorimit të detyrës dhe abuzimit me pushtetin të zyrtarëve të lartë.?, shkruan Meta./CNA.al





Lajmet e fundit nga