web counter
LEXO PA REKLAMA!

SHKARKO APP

App Store
Google Play

Rama thumbon Metën nga Berati/ Është në hall dhe stres, fjala burg i duket si bukë

2 Prill 2021, 17:19, Politikë CNA

Kryeministri Edi Rama ka thumbur sërish presidentin Ilir Meta gjatë një takimi elektoral me disa banorë në qytetin e Beratit.

Rama ironizoi Metën, teksa tha se Kreut të Shtetit i duket fjala burg si fjala bukë, ndërsa pretendon se ky i fundit është në stres dhe në hall.

Më tej, kreu i qeverisë deklaroi se drejtësia do të pastrohet nga llumi dhe paralajmëroi se SPAK do të vazhdojë me goditjet e saj.

?Drejtësia ka filluar që të çelë embrionin e ri, por është ende larg së qeni një trung i fortë që i rezistojnë furtunës. Ilir Metës i vjen fjala burg si fjala bukë. Një president Republike që flet për burgun sikur vë shenja fiksimi gjatë fjalisë është në hall është në stres dhe problemi i tij kryesor është si ta frenojë këtë stres.

Drejtësia po pastrohet nga llumi. Institucionet e reja të drejtësisë po ngrihen dhe natyrisht do të vazhdojë, pasi SPAK po kryen goditjet dhe do të vazhdojë. Vazhdimi i goditjeve të SPAKU-t mund të lëndojë politikanë si majtas, si djathtas, por shkon në drejtim të duhur për njerëzit e zakonshëm të këtij vendi që kushdo këtu të ndihet i barabartë para ligjit?, theksoi Rama./ CNA.al





Lajmet e fundit nga