web counter
LEXO PA REKLAMA!

SHKARKO APP

App Store
Google Play

Në gjurmët e të atit kundër diktaturës/ Kush është kandidati i Lëvizjes për Ndryshim, student në La Sapienza

1 Prill 2021, 18:10, Politikë CNA

Një tjetër intelektual është bërë pjesë e partisë më të re të drejtuar nga Jozefina Topalli, Lëvizja për Ndryshim.

Jurgen Drrasati, student në një nga univeristetet më të mira në Itali do të jetë kandidat për deputet në zgjedhjet e 25 prillit.

Jurgeni duket se ka ndekur gjurmët e të atit, Sokol Drrasati, i cili bashkë me qytetarët e Shkodrës u ngritën në demostratën më të fuqishme, e cila kulmoi me rrëzimin e bustit të Diktatorit Enver Hoxha, në 13 Dhjetor 1990.

Sokoli u arrestua dhe u dënua me 22 vite burg me nenet 52/13 të Kodit Penal si dhe 51,paragrafi i parë.

U akuzua për organizim të demostradës me qëllim rrëzimin e Pushtetit Popullor me dhunë, si dhe për akte terroriste të mbetura në tentativë.

Sokol Drrasi u lirua nga burgu i Spaçit me Anmisti me 4 korrik 1991.

Që nga ai moment e deri kur u detyrua të largohej nga Shqipëria në gushtin e vitit 1999, Sokoli nuk pushoi duke kontribuar për demokracinë dhe lirinë.

Sokoli guxoi dhe fitoi.

Sot Djali i tij Jurgeni, po guxon të rrëzojë atë diktaturë që babai i tij e la përgjysmë.

Jurgeni thotë se në vitet 90′ u rrezuan bustet, por jo diktatorët, sot tre kryetarët janë bërë një për të pasur nën kontroll çdo gjë.

Sot Jurgen po guxon të përfundojë atë që babai i tij dhe antikomunistë të tjerë nuk arritën ta përfundonin.

Sot Jurgeni është ndër bashkëthemeluesit e Lëvizjes për Ndryshim, si dhe kandidat i saj në qytetin e tij të lindjes, Shkodër./CNA.al





Lajmet e fundit nga