web counter
LEXO PA REKLAMA!

SHKARKO APP

App Store
Google Play

E fundit!

x

Vaksinimi/ Përparim Spahiu: Propaganda e Ramës është e turpshme

1 Prill 2021, 13:46, Politikë CNA

Disa ditë më parë Kryeministri Edi Rama kritikoi fushatën e Partisë Demokratike ku tha se “nëse doni që vaksinimi të ndërpritet votoni ata”. Kryetari i LSI-së në Tiranë, Përparim Spahiu ka akuzuar kryeministrin Edi Rama se po përdor procesin e vaksinimit për fushatën elektorale.

Spahiu shprehet se anjë qeveri në botë nuk mburret dhe nuk kërkon mandat qeverisës se ka vaksinuar njerëzit.

“Shumë vite më parë, kur isha i mitur jam vaksinuar si të gjithë shqiptarët e tjerë. As Partia e Punës nuk më ka thënë që e kisha jetën prej saj e as prindërit e mi nuk ndjenë nevojën për të falenderuar Partinë që na bënte vaksinat.

Propaganda që po ndodh sot me teorinë ?vaksina të mundësuara nga Partia Socialiste? nuk ka ndodhur as në diktaturë. Jemi në mes të një pandemie, asnjë qeveri në botë përveç kësaj tonës nuk mburret dhe nuk kërkon mandat qeverisës se ka vaksinuar njerëzit.

Kjo, sepse vaksinimi është detyrë funksionale e shtetit ndaj qytetarit, jo nder i madh e i pashëmbullt që e ofroka Partia. KM bën mirë ta ndërpresë këtë fushatë të turpshme që tall inteligjencën e shqiptarëve.

Por, nëse nuk e ndërpret, do të marrë vesh më 25 prill se jetën shqiptarit nuk ja jep Partia, por prindërit dhe Zoti”, shkruan Spahiu./CNA.al

 

 

 

 

 





Lajmet e fundit nga