web counter
LEXO PA REKLAMA!

SHKARKO APP

App Store
Google Play

E fundit!

x

DW: Duhet të mësojmë nga SHBA

27 Mars 2021, 14:04, Kosova & Bota CNA

Për katër vjet me radhë pjesë të mëdha të botës shikonin me habi, me përbuzje dhe të tmerruar në drejtim të SHBA-së. Por gjërat kanë ndryshuar me ardhjen e një administrate të re në Shtëpinë e Bardhë.

Plot nëntë muaj nuk kam qenë në Gjermani. Në fillim të verës së vitit 2020, vendosa të shkoj në SHBA dhe të raportoj për Deutsche Welle-n për zgjedhjet. Disa nuk mund ta kuptonin pse doja të shkoja vullnetarisht në një vend ku ishte zgjedhur në mënyrë demokratike një president, i cili kishte ndërtuar pushtetin e tij politik mbi gënjeshtra dhe urrejtje.

Kriza e Coronës kishte shpërthyer edhe atje. E përderisa një njeri inatçor në Shtëpinë e Bardhë mohonte rrezikun vdekjeprurës të virusit Corona, Gjermania dukej se e kishte situatën nën kontroll të plotë. Një kancelare që vjen nga shkencat natyrore, me njohuri të shumta nga xhungla e shifrave dhe indikatorëve të infektimeve, ngjallte besimin e shumicës së popullsisë.

Gjërat kanë ndryshuar

Për arsye vizash vizitova dy javë vendlindjen dhe gjeta një shoqëri në prag të një krize nervore. Jo, nuk kam aspak mirëkuptim pse me kaq vonesë po fillohet vaksinimi i edukatorëve dhe mësuesve. Shkollat ?po ?hapen dhe mbyllen, e prindërit shpesh marrin një e-mail në orën 21:23 nga mësuesit e nevrikosur, ku njoftohet nëse nesër do të ketë shkollë apo jo dhe sa orë mund të jenë fëmijët e tyre në shkollë.
Ju, nuk e kuptoj fare pse familjet sillen në prag të shkatërrimit, për shkak të kujdesit kaq të vogël për familjen, ndonëse kjo është një prej prioriteteve që shkruhen gjithmonë në programet qeveritare.

Jo, nuk e kuptoj pse mjekët e familjes, të cilët gëzojnë një mirëbesim të jashtëzakonshëm tek pacientët, nuk lejohen të vaksinojnë. Edhe këtu bëhen gjëra shumë të bezdisshme me vendime të paqënderueshme. Në momentin e kësaj krize vdekjeprurëse globale, një mësim i mirë mund të merret nga politika pragmatike amerikane.

Joe Biden ndryshoi gjërat

Qëkurse presidenti i ri Biden e ka shpallur luftën kundër pandemisë si një prej prioriteteve të tij kryesor, në këtë vend po zhvillohet një fushatë të cilën Gjermania vetëm mund ta ëndërrojë. Ata vaksinohen në supermarkete, e nëse dikush që është në listë nuk vjen apo nuk mund të vijë në orarin e caktuar, i telefonohet tjetrit menjëherë tjetrit në listë. Vaksinimi bëhet pa u komplikuar me dokumente të panevojshme.

Nuk e di nëse e keni dëgjuar thënien: Thuaje atë që mendon për Shtetet e Bashkuara, e unë të them se kush je. SHBA për gjermanët edhe më tej janë një projeksion admirimi i verbër ose përbuzjeje e thellë. Por këto ekstreme nuk japin një pasqyrim të drejtë për shumëllojshmërinë në këtë vend.

Në këto kohëra ia vlen të hedhim një vështrim drejt SHBA-së dhe duhet të jemi të gatshëm të mësojmë nga ajo. Duhet të përveshim mëngët dhe të punojmë, t’i bëjmë gjërat. Një virtyt ky i cili u është atribuar gjithmonë gjermanëve, por që duket se ka humbur vitet e fundit./DW





Lajmet e fundit nga