web counter
LEXO PA REKLAMA!

SHKARKO APP

App Store
Google Play

E fundit!

x

Autoritetet ashpërsojnë masat anti Covid/ Ja deri kur do të jetë e izoluar Italia

27 Mars 2021, 11:24, Kosova & Bota CNA

Autoritetet njoftojnë se Italia do të qëndrojë e mbyllur deri në maj.

Duke filluar nga e hëna më shumë se gjysma e vendit do të jetë në zonën e kuqe, me Kalabrinë, Toskanën dhe Valle d?Aosta-n që do t?i shtohen 7 rajoneve dhe provincës autonome të Trentos në të cilën janë në fuqi kufizimet më të vështira, ndërsa Lazio është përsëri në portokalli.

Masat nga autioritetet italiane janë ashpërsuar, si pasojë e rreth 24 mijë rasteve pozitive dhe 450 vdekjeve në ditë. Lidhur me vijimin e mësimit nëpër auditore, në të gjithë zonën e kuqe do të vijojë mësimi deri në klasën e gjashtë, ndërsa në ato portokalli të gjithë nxënësit deri në klasën e tetë dhe 50% të nxënësve të shkollës së mesme do të jenë në klasë.

Deri në fund të muajit Prill nuk do të ketë asnjë lëvizje midis rajoneve, grila të ulura akoma për bare dhe restorante, rihapja e palestrave, pishinave, kinemave dhe teatrove do të jetë në një datë të mëvonshme, zona e verdhë u anulua deri në fund të muajit.

?Masat e miratuara deri më tani na kanë dhënë shenjën e parë të ngadalësimit, por situata është ende delikate?, thotë Ministri i Shëndetësisë Roberto Speranza. Vendimi për të zgjatur shtrëngimin e masave u dha nga drejtuesit, por gjithsesi shkaktoi tension te shumica.

Këto vendime do të hyjnë në fuqi në Itali duke filluar nga 29 marsi./CNA.al





Lajmet e fundit nga