E fundit!

19:34 Aktualitet

Dita e 26 e protestës/ Qytetarët marshojnë drejt Kryeministrisë

Protestuesit dhe në ditën e 26 të protestët kundër qeveris...

“PD ishte dështim, zgjodhi politikën para shëndetit”/ Mjeku Çupi komenton çeljen e fushatës

26 Mars 2021, 20:01, Lifestyle CNA

Ditën e djeshme u çel zyrtarisht fushata elektorale e partive politike. PS dhe PD nisën të dyja në të njëjtën orë, por me dy këndvështrime të ndryshme.

Për mjekun shqiptar Drilon Çupi në Gjermani fushata e PS ishte një mbarëvajtje model, e cila dërgoi një mesazh të fuqishëm elektoratit se si duhet vepruar në këtë periudhë të vështirë.

Ai shtoi se çdo gjë e ka parë si mjek, duke treguar se kreu i PD Lulzim Basha bëri një miting të dështuar dhe se përpara se të fillonte fushata duhet të bënte thirrje një orë para se të niste elektorati për mbajtjen e distancës.

Sipas tij jeta ka më shumë rëndësi se gjithçka, qoftë për punë pas zgjedhjeve apo për çdo gjë tjetër, dhe shton se liderat politikë duhet të japing mesazhe.

?Gjithë kjo situatë e kemi pasur muaj më parë si shqetësim dhe u dërgua nga një letër të gjithë krerëve të politikës që do marrin pjesë në zgjedhje dhe celibashit që të rriste sensibilizimin se si të ruajë elektorati masat anti covid. Skam interes politik por i pashë situatat nga pikëpamja e mjekut. Nga ana e pozitës aktuale ishte një mbarëvajtje model e nje fushatë dhe dërgoi një mesazh të fuqishëm elektoratit se jemi në një vit pandemic dhe fushata është ndryshe. Nga ana tjetër dëgjova që kishin marrë një masë me anë të makinave që të mbahej distanca mes tyre por kjo dështoi.

Kryetari i opozitës Basha përpara se të fillonte fushata duhet të krijonte një orë thirrje elektoratit që të mbanin distanca pastaj të fillonin aktivitetin. Jeta ka më shumë rëndësi se gjithçka, qoftë për punë pas zgjedhjeve apo për gjithçka tjetër. Në këtë letër ne kemi përmendur dhe ligjet që nuk lejohet grumbullimi. Kjo është bërë në shkak të studimeve. Prandaj liderat politikë duhet të japin mesazhe. Basha ska bërë asnjë mesazh lidhur me mbarëvajtjen e rregullave anti COVID. Këtë vit ka rëndësi sensibilizimi sesi qytetari duhet të komportohet në qendrën e votimit sepse jemi në një situatë krejt ndryshe?, tha Çupi.

Edhe mjeku shqiptar në Itali Albert Troci, ndan të njëjtin mendim duke thënë se në këtë kohë pandemie e dimë se distancimi fizik është arma kryesore për të luftuar COVID ndërsa grumbullimet rrisin në mënyrë eksponenciale infektimet.

Në fushatat e bëra përplasen dy të drejta kushtetuese, e drejta për të jetuar dhe për të pasur shëndet dhe e drejta për pjesëmarrje në politikë. Si duket sipas Troçit, Basha ka zgjedhur këtë të dytën për qytetarët.

?Nga ana shëndetësore sic e dimë ka një vit që e njohim shumë mirë jo vetëm ne po çdokush nga më i vogli te më i madhi e dimë se në momente pandemia distancimi fizik është arma kryesore që kemi patur dhe është e rëndësishme.
Këtu përplasen 2 të drejta kushtetuese e drejta për të jetuar dhe për të pasur shëndet dhe për të shprehur aktivitein në shoqëri përmes pjesëmarrjes në politikë. Pastaj se cila e drejtë është më e lartë në shkallën njerëzore secili e gjykon vetë. Ne nga ana mjekësore sdiskutohet se grumbullimet janë një element që rrisin në mënyrë eksponenciale infektimet. Këto mund ta përkeqësojmë më tepër situatën?,tha Troci/CNA.al