web counter
LEXO PA REKLAMA!

SHKARKO APP

App Store
Google Play

Topollaj “sfidon” Patozin/ “Nëse marr më shumë vota se ai do hyj unë në Parlament”

25 Mars 2021, 22:06, Politikë CNA

Kandidati i Bindjes Demokratike në Tiranë, Fabian Topollaj ka folur për zgjedhjet e 25 prillit.

Topollaj tha se partia e tij kërkon ndryshimin dhe  në zgjedhje do hyjnë me lista 100 % të hapura.

I ftuar në emisionin “Repolitix”, ai theksoi që është renditur i 5-i në listën e Tiranës dhe Astrit Patosi i pari dhe nëse ai merr qoftë edhe një votë më shumë do të hyjë në Kuvend edhe nëse Bindja Demokratike të fitojë vetëm një mandat.

Topollaj shtoi se Bindja Demokratike nuk pret të rrëzojë liderët e tre partive njëkohësisht, por duan të imponohen.

” Për të treguar se ne duam ndryshimin e sistemit dhe listat e hapura po ju them se mandatit midis nesh do e marri ai që ka 1 votë më shumë se të tjerët. Nëse unë marr vota më shumë dhe Bindja Demokratike merr një mandat e marr unë dhe jo Astrit Patozi. Deri këtu nuk ka dyshime për qëllimin tonë të listave të hapura dhe të ndryshojë sistemin. Ne nuk do të përmbysim male dhe nuk presim të rrëzojmë liderët e tre partive njëkohësisht dhe të duam nuk mundemi, të flasim drejt, por ajo që në duam është t’u imponohemi”, tha Topollaj./CNA.al





Lajmet e fundit nga