web counter
LEXO PA REKLAMA!

SHKARKO APP

App Store
Google Play

E fundit!

x

“Anglia kthehet në Shqipëri pas 2 dekadash”, Duka me letër zyrtare për Ramën: Të paktën lejoni tifozët e vaksinuar

23 Mars 2021, 16:22, Sport CNA

FSHF po përpiqet me të gjitha mënyrat që një numër i caktuar i tifozëve të jetë i pranishëm në ?Air Albania? për të ndjekur përballjen mes Shqipërisë dhe Anglisë. Në një kohë kur lokalet janë të mbushura dhe në ditët e ardhshme pritet që të lehtësohen kufizimet, Ministria e Shëndetsisë ktheu përgjigje negative duke refuzuar kërkesën që 30% e stadiumit të ishte i mbushur ndaj Anglisë.

Për këtë arsye Armand Duka ka marrë një veprim tjetër, duke bërë publike letrën e drejtuar Edi Ramës. Nëse kryeministri i Shqipërisë nuk ndërron nga vendimi i tij, këtë herë kërkohet që të paktën të lejohen në stadium personat që janë vaksinuar për COVID-19. /Sport Ekspres/

I nderuar zoti Kryeministër!

Uroj të kem vëmendjen tuaj të plotë, në prag të një përballjeje historike dhe të shumëpritur me Anglinë, që rikthehet në Shqipëri pas plot dy dekadash. Një përballje që prej javësh na ka vendosur në qendër të vëmendjes së mediave më të mëdha botërore, ku imazhi i futbollit tonë pasqyrohet me nota shumë pozitive dhe shikohet në rritje të vazhdueshme.

Po ju drejtohem ju, sepse ne i kemi konsumuar të gjithë shkallët e procesit burokratik duke i shkruar Ministrisë së Shëndetësisë dhe Mbrojtjes Sociale dhe Komitetit Teknik të Ekspertëve, nga të cilët kemi marrë përgjigje refuzuese për praninë e një numri të reduktuar të tifozëve në stadium, si? e lejon dhe qeveria europiane e futbollit, UEFA.

I nderuar z. Kryeministër!

Duke parë që në vendin tonë shumë biznese me grumbullime masive njerëzish vazhdojnë aktivitetin normalisht, do të shpresoja shumë që ju të ndihmonit ekipin Kombëtar shqiptar dhe tifozët tanë të zjarrtë për të qenë të pranishëm në këtë ndeshje shumë të rëndësishme për rrugëtimin e Shqipërisë drejt Botërorit Katar 2022. Ne kemi një stadium modern, me standartet më të larta botërore, që na lejon të kemi minimalisht 30% të tifozëve në stadium, duke mundësuar shmangien e ?do rreziku nga virusi Covid-19.

Nëse kjo prani e limituar tifozësh shikohet ende si një problem nga Ministria e Shëndetësisë dhe Mbrojtjes Sociale dhe Komiteti Teknik i Ekspertëve, atëherë do ju propozoja që të lejohen në stadium të gjithë personat që janë vaksinuar dhe kanë përfituar nga procesi i vaksinimit masiv që ju si Qeveri po zhvilloni në mbarë trojet shqiptare.

Duke marrë parasysh faktin se Komiteti Teknik i Ekspertëve, pas vendimit të Gjykatës Kushtetuese, vendosi që grumbullimi i më shumë se 10 personave pas 25 marsit është i lejuar, jam besimplotë që ju do ta merrni në konsideratë këtë kërkesë në të mirë të futbollit shqiptar dhe dashurisë që kanë tifozët tanë për fanellën kuqezi.

Sinqerisht,

Armand Duka





Lajmet e fundit nga