E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Topalli tregon dramën e shqiptarëve/ Njerëzit kanë frikë nga treshja politike

18 Mars 2021, 20:55, Politikë CNA

Ish-kryeparlamentarja Jozefina Topalli, ka bërë një analizë të situatës politike në prag të zgjedhjeve parlamentare të 25 prillit.

Topalli tha se shikon mungesë të frymës te të dyja palët, edhe te qeveria, dhe te opozita, gjë që sipas saj ka sjellë zhgënjim te qytetarët.

Drejtuesja e Lëvizjes për Ndryshim deklaroi në emisionin ?Opinion? se politikanët gënjejnë gjatë gjithë kohës dhe kryeministri nuk ka kërkesë llogarie për premtimete pambajtura.

Gjithashtu ajo fajësoi treshen politike Edi Rama-Lulzim Basha-Ilir Meta për largimin e të rinjve nga vendi, teksa po fliste për varfërinë ekstreme që detyron shqiptarët të emigrojnë.

?Nuk ka frymë. Fryma është përcaktuese. Tregon situatën në të cilën është shoqëria. Mungesa e frymës dhe shpresës implikon të dyja palët. Asnjëherë në 3 dekada nuk ka qenë kaq e lartë zhgënjimi i qytetarëve ndaj klasës politike. Nuk ka thelb, nuk ka përmbajtje. Këtu gënjejnë, gënjejnë, gënjejnë dhe qytetarët janë të zgjuar. Politikanët po qëndrojnë larg së vërtetës.

Tjetër, nuk ka llogaridhënie. Kryeministri nuk ka llogaridhënie për të gjitha premtimet e pambajtura. Është 40% varfëria ekstreme, një shoqëri që ka këtë varfëri ekstreme është në zgript. Unë nuk e di si janë të qetë këta politikanë. Pjesa tjetër është politikë urrejtje, gjë që nuk ka lidghje me qytetarët.

Dhe tjetra është thelbi që është boshatisja. Boshatisja është drama më e madhe që i ka ndodhur vendit tonë. Në 2017 kishim 3 figura, sot kemi përsëri të tre. Unë shoh frikë, njerëzit kanë frikë për të dalë publikisht por zhgënjim total me treshen Ilir Meta, Edi Rama, Lulzim Basha?, theksoi ish-kryeparlamentarja./ CNA.al