E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Sondazhi/ Ja kë duan shqiptarët të shohin kryeministër të ardhshëm

18 Mars 2021, 20:01, Politikë CNA

Sondazhi zgjedhor Barometri Politik i Euroneës Albania dhe MBR zbuloi se 44.1% e qytetarëve në Tiranë mendojnë se Edi Rama është lideri politik më i përshtatshëm për të drejtuar vendin, kundrejt 34.1% e të anketuarve që preferojnë të shohin në karrigen e kryeministrit liderin e PD, Lulzim Basha.

Në rang kombëtar Rama rezultoi të kishte një pëlqyeshmëri 45.6% të atyre që e shohin atë si kryeministrin më të përshtatshëm, ndërsa Basha mori një përgjigje pozitive në 32.2% të të anketuarve në sondazh.

Kështu, sipas të dhënave Rama shihet të ketë pëlqyeshmëri më të lartë në rang kombëtar në krahasim me qarkun e Tiranës, ndërsa Basha është më i preferuar në Tiranë sesa në nivel kombëtar.

Personat që u përgjigjën se mendonin se asnjëri nuk e meriton të ulët në godinën e kryeministrisë në Bulevardin Dëshmorët e Kombit ishin në nivel 20.2% për Tiranën, dhe 19.2% në rang vendi.

Votuesit e papërcaktuar përbënë shumicën e atyre që u përgjigjën ?asnjë? bazuar në analizën e votës së zgjedhjeve të vitit 2017.

Mendimet pozitive dhe negative për tre liderët e partive kryesore në vend:

Opinioni i qytetarëve për liderët politikë sipas sondazhit të MRB-së, Euroneës Albania.

Metodologjia

Sondazhi i tretë i Euroneës Albania pyeti në rang kombëtar 1015 persona në qarkun e Tiranës, zona urbane dhe rurale lidhur me mendimet e tyre për zgjedhjet e 25 prillit 2021. Intervistat u realizuan gjatë periudhës 25 shkurt ? 12 mars dhe përfshinë 48.8% meshkuj dhe 51.2% femra me të drejtë vote./CNA.al