web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i Tom Doshit në zgjedhje/ Ngjela paralajmëron kreun e KQZ: Manipulues barbar, si guxon ti…

18 Mars 2021, 15:41, Politikë CNA

Komisioni Qendror i Zgjedhjeve ka regjistruar dje si kandidat për deputet në zgjedhjet e 25 prillit Tom Doshin.

Sipas Komisionerit Shtetëror Zgjedhor, Ilirjan Celibashi, dokumentacioni i dorëzuar në KQZ nga kjo forcë politike është konform legjislacionit në vend ndonëse ambasadoja e SHBA Yuri Kim kishte dhenë ultimatum për këtë fundit.

Lidhur me këtë ka reaguar dhe avokati i njohur Spartak Ngjela i cili më tone të forta kritikon kreun e KQZ se si guxon ti kundërvihet vullnetit amerikan dhe të shkelë ligjin për dekriminalizimin.

Ku e gjen forcën një i degraduar antiligjor si Ilirian Celibashi dhe ata që votuan në KQZ, që i kundërvihen vullnetit amerikan në mbrojtje të Shqipërisë dhe shqiptarëve? Si mund të regjistrohet në zgjedhje një kandidat si Tom Doshi, të cilin nuk e lejon ligji?

Po që kanë shkelur nenin 2 pika 2 të ligjit nr 138/ 2015 “Për kriminalizimin”, kush do t’i mbrojë këta?

Po ambasadorja amerikane në Tiranë Yuri Kim si e komenton këtë?

Politika amerikane duhet të jetë më aktive kundër korrupsionit në Tiranë. Koha nuk pret, dhe shqiptarët janë të lodhur me bandat që po i qeverisin.

Celibashi është një manipulues barbar i votave në Shqipëri, madje ky është kryebanditi i manipulimit të zgjedhjeve në vitin 2003, dhe sot është rikthyet nga socialistët në të njëjtin vend.

Por, nuk është vetëm kjo: shumicën në KQZ e kanë socialistët. Turp për ta që i kundërvihen politikës amerikane, duke shkelur ligjin, për të kërkuar ndihmën e Moskës në mbrojtje të korrupsionit.

Por, a do ta vijojnë dot këtë rrugë?

E kanë të pamundur. Sot, ambasadorja e Shteteve të Bashkuara në Tiranë, Yuri Kim, deklaroi para një ore: “kush u gëzua me raki dje (lidhur me vendimin e KQZ) do ta nxjerrë shpejt në të vjella”.

Sigurisht, është shkelur ligji, përkatësisht neni 2 pika 2 i ligjit “Për kriminalizimin “. A do të veprojë SPAK.

Nëse SPAK do të jetë në lartësinë e ligjit, të gjithë ata që kanë votuar për të regjistruar një person të akuzuar në USA, duhet të arrestohen nën akuzën e shpërdorimit të detyrës për krim kundër drejtësisë.

Pas këtij arresti, menjëherë do të fillojë drejtësia në KQZ-në e ripërtërirë, për të mos regjistruar më askënd, i cili është subjekt i nenit 2/2 të ligjit “Për kriminalizimin”, gjë kjo e cila do të hapë rrugën e përjashtimit nga zgjidhjet e 25 prillit, për të gjithë ata që janë subjekte të nenit 2 të ligjit “Për kriminalizimin “.

Koha duhet t’i rikthejë shqiptatëve drejtësinë, dinjitetin e tyre, dhe Shqipërisë vendin e saj historik në historinë moderne të Perëndimit.

 

 





Lajmet e fundit nga