web counter
LEXO PA REKLAMA!

SHKARKO APP

App Store
Google Play

E fundit!

x

“Pazaret” me oksigjenin gjatë pandemisë”/ Meta: Kriminale, pacientët lihen në mëshirë të spekulantëve

18 Mars 2021, 09:50, Politikë CNA

Presidenti Ilir Meta ka reaguar lidhur me situatën nga Covid në vend.

Sipas Metës, është e pafalshme që të prekurit me koronavirusi lihen në mëshirën e spekulantëve të tregut të zi, duke mos u trajtuar me oksigjen.

Referuar një investigimi të ?BIRN?, ku thuhet se ?Tregu i zi i shitjes së oksigjenit lulëzon mes pandemisë së COVID-19?, Meta thekson se është e rrezikshme dhe kriminale të trajtohen të sëmurët me oksigjen të paçertifikuar dhe pajisje, që u shiten në treg të zi familjeve.

?Mostrajtimi me oksigjen i të prekurve nga koronavirusi dhe lënia e tyre në mëshirën e spekulantëve të tregut të zi është e pafalshme.
Rëndimi i situatës shëndetësore të shumë të sëmurëve deri në kërcënim të jetës, i detyrohet mostrajtimit të tyre në kohë me oksigjen.
Për këtë është këmbëngulur, që trajtimi me oksigjen teknikisht të çertifikuar të kryhet nga mjeku i familjes dhe të mos pritet shtrimi në spital. Edhe projektet ndërkombëtare të ndihmës anticovid kanë synuar pikërisht këtë: Trajtimin sa më parë nga shërbimi mjekësor parësor me oksigjeno-terapi të të sëmurëve. Është e rrezikëshme dhe kriminale, të trajtohen të sëmurët me oksigjen të paçertifikuar dhe pajisje, që u shiten në treg të zi familjeve deri në 5 herë më shumë se vlera e tregut. Të ndalet kjo kontrabandë e shëmtuar dhe e rrezikëshme për shëndetin publik. Përgjegjësit para ligjit?, shkruan Meta./CNA.al





Lajmet e fundit nga