E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Carlo Bolino nxjerr sondazhin e katërt/ I “jep fitoren” Ramës

17 Mars 2021, 22:14, Politikë CNA

Mbrëmjen e sotme media e Carlo Bollinos ka bërë sondazhin e radhës për tre qarqe, atë të Tiranës, Durrësit dhe Elbasanit.

Ashtu siç pritej, Bollino ka nxjerrë me një fitore të thellë Partinë Socialsite, ndërsa PD e nxjerr me një rritje të lehtë dhe LSI në rënie.

Më konkretisht, në qarkun e Tiranës, Report Tv ?i jep fitoren? Partisë Socialiste me 49-53%, shifër kjo e përkthyer në 18-20 mandate deputetësh. Sipas tyre, PS do të ruante rezultatin e vitit 2017, duke pretenduar një rritje me 2 deputetë. Për Partinë Demokratike dhe Aleancën për Ndryshim do të votonin 35-39% ose 12-14 mandate. Krahasuar me vitin 2017 Partia Demokratike ka një rritje të numrit të mandateve, pasi në vitin 2017 ka fituar 11 mandate në kryeqytet. Rënie në kryeqytet ka pësuar Levizja Socialiste për Integrim, ku nëse do të votohej sot, LSI do të merrte 4-8% të votave, ose përkthyer kjo në mandate 1-3 mandate. Ndërkohë në zgjedhjet e vitit 2017 LSI ka fituar në 5 mandate.

Në qarkun e Durrësit, PS merr 43-47% të votave, përkthyer kjo në mandate 6-8 mandate, duke pësuar një rënie të lehtë me vitin 2017, pasi në këtë vit kanë votuar për PS-në 45-49%, por pa ndikim në numrin e mandateve. Sipas sondazhit të Carlo Bollinos, për Partinë Demokratike bashkë me aleatët do të votonin 38-42% të qytetarëve, përkthyer kjo në 4-6 mandate, një rritje prej dy mandatesh krahasuar me vitin 2017. Sakaq për LSI-në do të votonin 6-10%, e cila është në garë deri në 2 mandate.

Ndërsa në qarkun e Elbasanit, PS do të merrte 49-53 % të votave e përkthyer në 6-8 mandate, ndërsa koalicioni PD-Aleanca për Ndryshim do të merrte 37-41 % të votave e përkthyer në 5-7 mandate. Edhe LSI do të arrinte të merrte nga 0 deri në 2 mandate, aty ku kandidon edhe Monika Kryemadhi e para në listën e LSI-së për Elbasanin. Ajo që vihet re është se krahasuar me zgjedhjet e 2017, PS dhe PD kanë rritje të votave dhe rrjedhimisht të mandateve, ndërsa LSI tkurrje./CNA.al