web counter
LEXO PA REKLAMA!

SHKARKO APP

App Store
Google Play

Skandali në KPA/ Luan Daci “zhvat” taksat e qytetarëve

16 Mars 2021, 13:32, Politikë CNA

Ish anëtari i Vettingut, Luan Daci, pasi tallet hapur me reformën në drejtësi zhvat edhe taksat e qytetarëve.

Skandali ka marrë udhë, pas vendimeve të GJKKO dhe dhe që janë injoruar nga Luan Daci. Burime për CNA.al kanë bërë të ditur se Luan Daci edhe pse është dënuar nga Gjykata e Posaçme Antikorrupsion, ka vijuar punën sikur mos të kishte ndodhur asgjë.

Jo vetëm pagën por edhe paratë e shpenzuar për telefon kanë shkuar në kuletën e Luan Dacit nga taksat e qytetarëve. Në vend që të shlyejë dënimin, si çdo qytetar tjetër shqiptar që dënohet në këtë shtet, ai shkon në zyrat e Komisionin e Vettingut, ndërkohë që nuk duhej lejuar të shkelte më në një institucion të prodhuar nga Reforma në Drejtësi.

Nuk mund të ketë drejtësi të re me njerëz të dënuar, si në rastin e Luan Dacit. Aktivizimi i tij në KPA, ?minon? procesin e Vettingut, madje dhe sigurisht të gjithë Reformën në Drejtësi. Kujtojmë se ish-anëtari i Kolegjit të Posaçëm të Apelimit u dënua për veprën penale ?Falsifikim dokumentesh?, ndërsa vendimi për dënimin e tij me 6 muaj burg iu konvertua me ?Shërbim Prove?.

Daci akuzohet se ka pasqyruar një të dhënë jo të vërtetë, pasi ka fshehur faktin e marrjes së masës disiplinore të shkarkimit nga ana e ish Këshillit të Lartë të Drejtësisë në vitin 1997.

Gjyqtari Luan Daci është shkarkuar në vitin 1997 nga sistemi i drejtësisë, për shkelje të ligjit dhe paaftësi në detyrë. Vendimi është marrë më 24 dhjetor të vitit 1997, në Këshillin e Lartë të Drejtësisë, institucion tashmë i shkrirë nga reforma në drejtësi, në krye të të cilit në atë kohë, ishte Presidenti i Republikës së Shqipërisë, Rexhep Mejdani

Edhe Gjykata e Posaçme e Apelit Kundër Korrupsionit dhe Krimit të Organizuar , me 8 Mars ka lënë në fuqi vendimin e dënimit me 6 muaj burg për ish-anëtarin e KPA-së, Luan Daci./CNA.al





Lajmet e fundit nga