web counter
LEXO PA REKLAMA!

SHKARKO APP

App Store
Google Play

Do krijojë parti të re?/ Meta ngre aludimet: Mund të ndodhë...

15 Mars 2021, 22:03, Politikë CNA

Shpeshherë në media janë ngritur aludimet se presidenti Ilir Meta mund të japë dorëheqjen dhe mund të krijojë një parti të re politike.

Aludimet janë shtuar edhe më tepër nga deklarata e disa kohëve më parë e kryetares së LSI Monika Kryemadhi, e cila tha gjatë një interviste në media se Meta kishte shprehur disa herë mendimin në shtëpi për të krijuar një forcë të re politike.

Këtë gjë e ka nënkuptuar mbrëmjen e sotme vetë presidenti, i cili tha se nuk do të bashkëpunojë kurrë me Edi Ramën, ndërsa përmendi krijimin e një partie të re.

?Unë kam bërë dikur një marrëveshje me kryetarin e Partisë Socialiste për Shqipërinë Europiane, të cilën është treguar i kujdesshëm që ta zbatoje dy vjet duke qenë se e dinte që pa koalicionin me LSI-në ai i kishte të humbura të gjitha bashkitë.

Kushti ka qenë votimi i tre ligjeve. Tani e kam bërë të qartë: Kurrë më marrëveshje politike me Edi Ramën. Unë garantoj se nuk do të bëj bashkëpunim me Edi Ramën si president, si Ilir Meta në të ardhmen.

Mund të krijohet një forcë e re politike po them kot, mund të ndodhë një gjë tjetër, por unë si president, si Ilir Meta nuk do bëj kurrë marrëveshje politike me Edi Ramën?, theksoi Meta në Syri Tv./ CNA.al





Lajmet e fundit nga