web counter
LEXO PA REKLAMA!

SHKARKO APP

App Store
Google Play

Mbërrijnë në Rinas vaksinat e para të Astrazeneca/ Rama thirrje Kosovës: Sillni mjekët e spitaleve Covid

12 Mars 2021, 19:05, Politikë CNA

Vetëm pak minuta më parë kanë mbërritur në aeroportin e Rinasit vaksinat e para të Astrazenecas, ashtu siç ishte paralajmëruar edhe nga kryeministri Edi Rama.

Për t?i pritur në Rinas ka shkuar si gjithmonë Rama i shoqëruar me ministren e Shëndetësisë Ogerta Manastirliu, të cilët kanë bërë me dije se nga nesër do të nisë menjëherë vaksinimi i mësuesve dhe pedagogëve.

Kreu i qeverisë bëri edhe një thirrje për Kosovën, pasi deklaroi se dyert për mjekët dhe infermierët në frontin e parë janë të hapura për të ardhur dhe vaksinuar në Shqipëri.

?Nesër ne do nisim menjehër vaksinimin e mësuesve dhe pedagogëve. Do ta shtrijmë në të gjithë vendin procesin e vaksinimit në shkolla. Shpresojmë të vijnë shumë shpejt sasi më të mëdha. Në muajin prill presim nga Astrazeneca edhe 60 mijë doza të tjera. Jemi gati nga dita e nesërme të organizohemi së bashku me Kosovën për tu dhënë mundësi mjekëve dhe infermierëve të spitaleve Covid, duke filluar me atë të Prishtinës, i presim në Kukës. Nuk besoj të ketë mungesë dëshira nga ta. Edhe në Kosovë duhet të thyhet kjo mungesë e tmerrshme e dozës së parë. Më pas edhe Kosova do të ketë dozat e saj?, tha Rama./ CNA.al





Lajmet e fundit nga