web counter
LEXO PA REKLAMA!

SHKARKO APP

App Store
Google Play

E fundit!

x

Sali Shehu “alarmon” ndërkombëtarët dhe SPAK-un/ Nuk dal nga zyra, jam në të drejtë

12 Mars 2021, 18:58, Politikë CNA

Policia bashkiake ka rrethuar mëngjesin e sotëm zyrën e FRD-së dhe ka tentuar të nxjerrë që aty stafin e kësaj force politike, me pretendimin se godina është pronë e Bashkisë së Tiranës.

Mësohet se kësaj force politike i janë prerë dritat, ndërkohë që drejtuesi i FRD-së Sali Shehu ndodhet ende brenda në zyrë.

Shehu tha se shkresa për lirimin e zyrës erdhi menjëherë pasi ata firmosën me Lulzim Bashën, ndërsa pretendon se ishte pa firmë dhe pa vulë.

Ai tregoi për Abc News se ka njoftuar të gjithë zyrtarët e shtetit për problemin e tyre, KQZ-në, prokurorinë e Tiranës, Gjykatën Administrative, SPAK-un dhe ndërkombëtarët.

?Ne kemi ndërmarrë disa hapa, njoftimi i të gjithë zyrtarëve të lartë të shtetit, KQZ-së, hapi i tretë njoftimi i prokurorisë së Tiranës për aktin vandal, kallëzim penal drejtuar SPAK kundër bashkisë së Tiranës. Pasdite kemi dërguar një shkresë zyrtare për ndërkombëtarët.

Ne jemi në zyrat tona dhe në drejtën tonë. Jemi me qirinj si në kohën e luftës, por kjo është tregues se diktatura është në prag. Sot i jam drejtuar edhe gjykatës administrative me një letër se ne jemi parti institucionale. Shteti duhet t?i drejtohet FRD në mënyrë institucionale dhe jo banditeste. Në 2021 i fiken dritat një partie politike?, theksoi Shehu./ CNA.al





Lajmet e fundit nga