Rama: Skuadra e PS-së është një skuadër që ka mesazhe të qarta, për të gjithë kategoritë

12 Mars 2021, 14:03, Politikë CNA

Kryeministri Edi Rama në takimin e tij në Durrës, gjatë prezantimit të kandidatëve të PS, vlerësoi dy figurat e kësaj partie. Milva Konomin që aktualisht është Ministre e Bujqësisë, dhe mjeken e njohur Klodjana Spahiu.

Rama tha se skuadra e PS-së është një skuadër që ka mesazhe të qarta për të gjithë kategoritë, dhe është një skuadër që flet shumë fort dhe bindshëm ndaj grave dhe vajzave të Durrësit, Krujës dhe Shijakut.

?Dy mike, kolege dhe zonja të mirënjohura dhe të nderuara jo vetëm nga qytetarët e Durrësit por nga i gjithë opinioni publik. Nga njëra anë Milvën, ministren aktuale të Bujqësisë, karriera e së cilës ska nevojë për koment. Nga ana tjetër Klodin, doktoreshën tonë që është një model qytetar, profesionist dhe aktivist. Klodi ka bërë një hap të madh dhe jo dhe aq të lehtë në kohën që është përfshirë në skuadrën tonë herën e parë. Ka lënë profesionin, për të përfaqësuar këtë komunitet dhe ajo çka është e admirueshme tek Klodi është se deri më sot në kaq vite që kontribuon me kaq pasion, me atë pjesë të aktivitetit të parlamentit ku ajo ka rolin e saj, asnjëherë se kam dëgjuar të kërkojë çfarëdoqoftë për vete, por e kam dëgjuar të këmbëngul për çështje që lidhen me ecurinë e shëndetësisë dhe halle e probleme që lidhen me komunitetin këtu, por edhe me njerëz që kanë pasur nevojë për kujdës”,u shpreh Rama

Ndër të tjera Rama tha se skuadra e PS, është një skuadër që flet shume fort dhe bindshëm ndaj grave sepse ato janë gjysma më e mirë e kësaj shoqërie.

Në këtë skuadër, përveç, Milvës dhe Klodit, kemi dhe Anën, ajo ka qenë një aktiviste e skuadrës sonë këtu në Durrës, pasi është kthyer nga jashtë ajo është angazhuar dhe ka qenë pjesë e skuadrës së vitit 2017. Pa kërkuar asnjëherë asgjë, më shumë se sa mundësinë për të kontribuar, kemi Kejdën. E nisa nga gjysma më e mirë, e çdo situata kur flitet për burra dhe për gra, sepse gratë dhe vajzat janë gjysma më e mirë e kësaj shoqërie, ashtu sikundër gratë, motrat, janë gjysma më e mirë e një familje. Ne këtu jemi së bashku, me disa deputetë të cilët janë përsëri në skuadrën tonë dhe që përfaqësojnë pikërisht angazhimin me komunitetin dhemarrëdhënia me njerëzit nuk shihet në fushatë dhe kur mbarojnë zgjedhjet? tha Rama./CNA.al