web counter
LEXO PA REKLAMA!

SHKARKO APP

App Store
Google Play

E fundit!

x

Rama zbulon sloganin e PS/ Zbardh diskutimet për listën e kandidatëve

10 Mars 2021, 11:13, Politikë CNA

Kryeministri Edi Rama ka zbardhur sloganin që Partia Socialiste do të garojë për zgjedhjet e 25 prillit.

Duke folur mbi renditjen e kandidatëve në listat përfundimtare, Rama ka zbardhur prapaskenat nga diskutimet me deputetët.

Ai tha se Bledi Çuçi ka këmbëngulur që të renditet i treti në qarkun e Gjirokastrës, pra në kufirin e mandateve që mund të kap PS, duke thksuar se ai është një shembull i skuadrës për të fituar.

?Faleminderit të gjithë kapitenëve të skuadrave tona në qarë, për punë për përkushtimin ndaj skuadrës, nuk dua që ti rreshtoj të gjithë një nga një. Po dua të veçoj Blendi Çuçin, i cili këmbnguli të mos qëndronte tek objektivi bazë, por te kufiri i objektivit maksimal. E solla këtu si një shembull të suksesshëm dhe të përkatësisë ndaj skuadrës. Si shembull të dikujt që është një krye të kësaj skuadre si ajo e Gjirokastër. Kërkoi që të vendoset i treti?, tha Rama.

Më tej kryeministri foli edhe për pranimin e kandidimit të shefes së Infektivit Najada Çomo dhe inxhinieres Luljeta Bozdo, duke i cilësuar këto dy të fundit si një vlerë e shtuar për vendin.

?Për Shqipërinë që është e ardhmja jonë! Faleminderit Luljetës dhe Najadës, dy heroinave të këtyre kohëve, 2 grave të forta, pasionante, vullnetare të vijës së parë. Janë identitet të dy sfidave tona më të vështira, që i kemi përballuar dhe do t’i përballojmë me sukses, rindërtimin dhe luftën me armikun e padukshëm. Me shumë mirënjohje për të dyja dua që të gjithë ta shohim dhe të gjithë ta ndjejmë arsyen e fortë pse këto 2 mikesha të shqiptarëve janë këtu me ne sot dhe do të jenë 4 vitet e ardhshme.

Për herë të parë në historinë e Kuvendit të Shqipërisë pensionistët do të përfaqësohen nga një prej më të mirave të tyre. Gjithashtu për herë të parë në Kuvendin e Shqipërisë do të ulet një stërgjyshe e cila padyshim do të jetë në këtë rrugë edhe për një cilësi tjetër, cilësia e një njeriu që ka jetuar me profesionin e vet dhe që ka shkëlqyer në profesionin e vet. Ndërkohë që këtu ka shumë të tjerë dhe të tjera për të cilët Luljeta Bozo është frymëzim. Nga ana tjetër Najada është deputetja e heronjve tanë, e heronjve shqiptarë në këtë luftë që ka përfshirë mbrë botën. Është edhe përfaqësuesja e denjë e një përpjekje tërësore ku humbën jetën disa kolegë të saj në këtë përballje”, tha Rama./CNA.al





Lajmet e fundit nga