web counter
LEXO PA REKLAMA!

SHKARKO APP

App Store
Google Play

E fundit!

x

Rikthehen reshjet e borës/ Ja zonat malore që janë zbardhur

9 Mars 2021, 12:28, Aktualitet CNA

Ditët e para të muajit Mars u shoqëruan me mot kryesisht të ngrohtë, por i ftohti është rikthyer këto ditë edhe në kryeqytet.

Në qarkun e Kukësit dhe në zonat e larta malore si në Shishtavec dhe Valbonë, është rikthyer bora me intensitet të dobët.
Trashësia e borës në këta zona ka arritur deri në 3 cm. Borë ka rënë edhe në afërsi të Tunelit të Kalimashit, por pa krijuar probleme në qarkullimin e automjeteve në Rrugën e Kombit.

Sipas Komisionit të Mbrojtjes Civile i Prefekturës Kukës, rikthimi i reshjeve të borës deri më tani nuk ka krijuar problematika sa i përket lëvizjes së mjeteve dhe banorëve të zonave të larta malore mbi 800 m.

Aktualisht të gjitha akset e nacionale duke filluar nga Rruga e Kombit funksionojnë normalisht pa pengesa në qarkullimin e mjeteve.

Edhe akset rrugore bashkiake ku ka prezencë të borës janë të qarkullueshme. I gjithë qarku ka energji elektrike. Komisioni i Mbrojtjes Civile njoftoi se janë marrë kontakte me strukturat e Emergjencës Civile, të tre bashkive të qarkut dhe firmat kontraktore për marrjen e masave në përballimin e situatave të mundshme që mund të krijohen nga kushtet e motit./CNA.al





Lajmet e fundit nga