E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Sot afati i fundit për dorëzimin e listave/ Basha vendos aleatët në Tiranë

8 Mars 2021, 09:26, Politikë CNA

Sot në mesnatë është afati i fundit ligjor që partitë politike duhet të dorëzojnë në KQZ listën e plotë të kandodatëve për deputetë.

Ndonëse një pjesë e kandidatëve nga të gjitha focat politike është bërë publike, pritet të shihet lista përfundimtare, ku mund të ketë jo pak surpriza.

Deri tani mësohet se kryedemokrati Lulzim Basha pritet të kandidojë në Tiranë, ndërsa nuk dihet nëse do ta shfrytëzojë mundësinë për të qenë edhe në qarqe të tjera, siç do të jenë kryetari i PS, Edi Rama, i cili do të jetë edhe në Vlorë dhe në Durrës apo kryetarja e LSI, Monika Kryemadhi që do të jetë në Elbasan dhe në Fier.

Sa i takon partisë së drejtuar nga Kryemadhi bëhet me dije se nuk pritet të ketë surpriza në lista, pasi emrat janë publikuar edhe më herët, dhe janë drejtues qarqesh apo ish-deputetë të kësaj force politike.

Ndërsa sa i përket PD, deri më tani është bërë e ditur që drejtuesit politikë të qarqeve pritet të jenë në lista të sigurta, si Gazment Bardhi është në Elbasan, Paloka në Durrës, Tritan Shehu në Gjirokastër, Xhelal Mziu në Dibër, Mark Marku në Lezhë, Enkelejd Alibeaj në Fier, Bujar Leskaj në Vlorë etj.

Ndërkohë, nga selia blu mësohet se pritet që ish-kryeministri Sali Berisha të ketë një vend në Qarkun e Tiranës, ashtu si dhe tre aleatë të Bashës, Dashamir Shehit, Fatmir Mediut dhe Shpëtim Idrizit

Sot do të mësojmë për Vangjel Dulen, ku mundësia më e madhe është të jetë në Korçë, por nuk përjashtohet edhe mundësia e kandidimit të tij në Vlorë.

Po ashtu, Nard Ndoka do të jetë në Shkodër, por nuk dihet ende se ku do të renditet, nëse do të jetë në listë fituese, apo do i duhet ta fitojë vetë mandatin e tij.

Gjatë ditës së sotme, PD do të mbledhë Kryesinë, ku Lulzim Basha do propozojë listën e tij përfundimtare. Pastaj, Kryesia e PD do të miratojë ose jo listën e Bashës.

Ndërkohë që deri tani vetëm drejtuesja e Lëvizjes për Ndryshim ka dorëzuar listën e kandidatëve në KQZ./CNA.al