E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Grida Duma e sfidoi/ Ironizon Veliaj: Ne “e rrahëm” në Tiranë dhe Durrës

7 Mars 2021, 19:53, Politikë CNA

Kandidatja për deputete e Partisë Demokratike, Grida Duma ka sfidurar ditën e djeshme kreun e Bashkisë së Tiranës, Erion Veliaj, të lerë mandatin e tij në kryeqytet dhe të përballen së bashku në Kavajë e Rogozhinë.

Duma tha se nëse Veliaj arrin të fitojë 7% të votave në përballjen e tyre elektorale, ajo do të dorëzojë mandatin e saj si deputete.

Për këtë deklaratë ka ardhur edhe reagimi i Veliajt , i cili nga Rrogozhina iu përgjigj sot Dumës, duke e ironizuar për djegien e mandatit.

?Listën tonë për qarkun e Tiranës do ta drejtojnë dy profesoresha. Një prej tyre është Luljeta Bozo, profesoresha e Inxhinierisë së Ndërtimit, që dhe në atë moshë është më e papërtuar se disa çupëlina që vijnë këtej vërdallë. Kur e dëgjova atë që kemi përballë që tha: ?E sfidoj Erionin të kandidojë në Rrogozhinë e në Kavajë?, nuk e di pse harron që ne ?e rrahëm? në Tiranë, ku ka pasur humbjen më të madhe te Njësia 1. Harron që ne ?e rrahëm? edhe në Durrës me mbi 10 mijë vota diferencë. Harron që e la vetë mandatin dhe sot kërkon të kthehet në detyrë.

Zysh Luljeta nuk e lë kurrë detyrën. Nuk e la kur ra tërmeti e jo më ta lërë siç bëri Grida me shokët e vet që për një kapriço thanë: ?s?fituam ne, po ikim nga loja?. Kjo nuk është lojë për fëmijë, është përgjegjësi. Për çfarë janë këto sfida dhe pse i lini detyrat përgjysmë? Kjo është pyetja që duhet t?ju bëjmë atyre, sidomos një mësuese që nuk e lë kurrë orën e mësimit apo një doktoreshë që nuk e lë kurrë sallën e operacionit nuk duhet të mbështesin politikanë që lënë përgjysmë detyrat e tyre dhe atë që populli i kërkoi të çonin deri në fund?, u shpreh ai, ndërsa ironizoi edhe kryetarin e PD-së, Lulzim Basha.

?Motot i kemi të ndryshme. Luli e kishte moton: ?Ta bëjmë ditën natë!? Sigurisht, kur e ke mendjen te gjumi do të bësh ditën natë. Motoja jonë është ta bëjmë natën ditë. Të mundohemi të punojmë deri vonë dhe të kemi sa më shumë rendiment me gjithë angazhimin dhe energjinë pozitive që kemi?, theksoi Veliaj./ CNA.al