web counter
LEXO PA REKLAMA!

SHKARKO APP

App Store
Google Play

E fundit!

x

Lista e kandidatëve të LSI e njëjtë me atë që publikoi CNA.al

8 Mars 2021, 13:21, Politikë CNA

Sot kur edhe është afati i fundit i dorëzimit të listave, emrat e kandidatëve për deputetë kanë qenë gjithmonë në vëmendjen e qytetarëve.

CNA.al prej disa ditësh ka bërë publikime të listave të partive kryesore në vend, PS, PD dhe LSI.

Ditën e djeshme, ne publikuam një listë të emrave potencial për deputetë në zgjedhjet e 25 prillit nga LSI, listë e cila ka qenë 100% e saktë me atë që prezantoi dhe dorëzoi në KQZ Monika Kryemadhi.

Kjo e fundit, nxorri listën në 12 qarqet e vendit dhe emrat në listën e saj ishin të njëjtë me atë që CNA.al publikoi një ditë me parë.

Kryemadhi ka bërë vetëm disa ndryshime të vogla, ku ka qarkulluar emrat mes qarqeve, por si kandidatë kanë qenë të njëjtë.

CNA.al bëri me dije ditën e djeshme se në Tiranë do të garonin Petrit Vasili, Klajda Gjosha, Floida Kërpaçi, Vojo Bregu dhe Erisa Xhixho. Të njëjtët emra janë konfirmuar edhe nga Kryemadhi. Por një ndryshim i vogël që është hasur është emri i Edmond Haxhinastos, për të cilin ne thamë se do të garonte në Elbasan, ndërkohë që në listën përfundimtare ai është pozicionuar i gjashti në listën e Tiranës.

Gjithashtu, në Elbasan CNA.al e theksoi se do të ishte Monika Kryemadhi, për të cilën theksuam se do të ishte edhe në qarkun e Fierit, e cila u konfirua nga ajo vetë mëngjesin e sotëm. Po ashtu në këtë qark do të jetë edhe Kejdi Mehmetaj.

Për qarkun e Durrësit, CNA.al raportoi se lista do të kryesohej nga Elona Guri dhe Bahri Shaqiri, emrat e të cilëve u dorëzuan nga Kryemadhi në KQZ dhe ishin po ashtu siç ne e thamë.

Në qarkun e Beratit, në krye të listës për zgjedhjet e 25 prillit do të jetë Ardit Çela, për të cilin ne e raportuam një ditë më parë, ndërkohë që u konfirmua edhe paraditen e sotme.

Në qarkun e Vlorës, LSI ka vendosur të njëjtin emër që tha CNA.al, Luan Ramën, i cili do të kërkojë votën e qytetarëve për në Parlameentin e ardhshëm, ndërsa në Gjirokastër ne e theksuam që lista do të kryesohej nga Vangjel Tavo dhe parashikimi ishte 100% i saktë.

Edhe në qarkun e Korçës, lista do të kryesohet me të njëjtin emër që ne e thamë një ditë më parë dhe që është Endrit Braimllari, ndërsa në Shkodër do të jetë Agron Çela.

Ndërsa në Lezhë lista do të kryesohet nga Vitor Tushaj.

Pra, parashikimet e CNA.al për listat e LSI ishin të njëjtat me ato që publikoi Monika Kryemadhi dhe ndryshimi i vetëm ishte emri i Edmond Haxhinastos për të cilin ne thamë se do të ishte në Elbasan, ndërkohë që në listat përfundimtare u pozicionua në Tiranë./CNA.al

Emrat/ CNA.al zbulon kandidatët e listës së LSI

Zbardhet lista/ Ja emrat e kandidatëve për deputetë të LSI

 





Lajmet e fundit nga