web counter
LEXO PA REKLAMA!

SHKARKO APP

App Store
Google Play

E fundit!

x

Ndërtimi i aeroportit të “Rinasit”/ Balla i përgjigjet akuzave të Metës

8 Mars 2021, 12:28, Politikë CNA

Kreu i Grupit Parlamentar të PS, Taulant Balla, iu përgjigj nga foltorja e Kuvendit akuzave të Presidentit Ilir Meta mbi koncesionarin e Aeroportit të Rinasit, duke e cilësuar këtë një investim shumë të madh në infrastrukturën aeroportuale të vendit.

?Është një investim shumë i madh në infrastrukturën e domosdoshme aeroportuale, që do të bëjë të mundur uljen e të gjitha llojeve të avionëve në pistën e Rinasit. Ne do të kemi mundësinë të presin edhe fluturimet ndërkontinentale. Sot emri im u përmend nga gjithë kolegët folës të opozitës parlamentare, duke qenë se sot është dita përfundimtare për dorëzimin e listave, gjej rastin të garantoj qytetarët shqiptarë se ne kemi ekipet më të mira në të gjitha qarqet?– theksoi Balla.

Ndër të tjera ai shtoi se këto zgjedhje po shkojnë drejt një referendumi. ?Besoj se këto zgjedhje po shkojnë drejt një referendumi se kush është pro dhe kush kundër reformës në drejtësi. Në këtë aspekt, Meta, Kryemadhi, Berisha dhe Basha janë katër njerëz që i ka bërë bashkë ngritja kundër reformës në drejtësi. Nuk ka asnjë dyshim se përbetimet e Ilirit dhe Saliut kundër reformës në drejtësi janë sinjale që i kemi hasur që në vitin 2016. ?- u shpreh Balla.

Më tej, ai foli dhe për zgjedhjet e 25 prillit, ku iu drejtua me një thirrje të gjithë qytetarëve shqiptarë, duke iu thënë se PS ka ekipin më të mirë dhe më të besuar në të gjithë Shqipërinë. Sipas tij, më 25 prill do të ketë vërtet një referendum mes atyre që janë pro dhe atyre që janë kundër reformës në drejtësi./CNA.al





Lajmet e fundit nga