web counter
LEXO PA REKLAMA!

SHKARKO APP

App Store
Google Play

Dha dorëheqjen nga Bashkia Durrës/ Reagon Florian Tahiri: Do të përfaqësoj PDIU

8 Mars 2021, 14:02, Politikë CNA

Ish-nënkryetari i Bashkisë Durrës, Florian Tahiri ka reaguar pas dorëheqjes duke sqaruar motivet e largimit.

Përmes një postimi në faqen e tij zyrtare në Facebook, Tahiri thekson se shkak i largimit është përfaqësimi i PDIU-së në zgjedhjet parlamentare.

Tahiri falenderon kolegët për bashkëpunimin në këto 5 vite që ai ka drejtuar bashkinë dhe shprehet se nuk do të harrojë në asnjë moment qytetin e Durrësit. Ai zotohet se do të japë maksimumin për zgjidhjen e çështjes çame.

“Sot, mbas 5 vitesh në detyrën e nënkryetarit të Bashkisë Durrës dhashë dorëheqjen.
Në rradhë të parë dua të falenderoj të gjithë kolegët për bashkëpunimin. Sidomos dy vitet e fundit kanë qenë shumë të vështira për ne. Ndërkohë i kërkoj ndjesë të gjithë atyre qytetareve të cilëve nuk kam mundur ti përgjigjem apo ti mbaroj punë, më besoni që kam bërë gjithmonë më të mirën e mundshme dhe përkushtimi im ka qenë maksimal për të respektuar qytetin dhe institucionin që unë perfaqësoja. Ky vendim lidhet me faktin që unë do përfaqësoj PDIU në zgjedhjet parlamentare dhe do bëj më të mirën për amanetin e gjyshërve të mi duke u përpjekur për zgjidhjen e Çështjes Çame, pa harruar asnjë moment Durrësin qytetin tim që i detyrohemi aq shumë. Ju faleminderit për mbështetjen”, shkruan Tahiri./CNA.al





Lajmet e fundit nga