web counter
LEXO PA REKLAMA!

SHKARKO APP

App Store
Google Play

Eksodi shqiptar drejt Italisë/ Deputeti demokrat tregon eksperiencën e tij: Isha 13 vjeç…

6 Mars 2021, 10:54, Politikë CNA

Ish deputeti i PD, Agron Shehaj është kthyer 30 vite pas teksa ka kujtuar ditën kur së bashku me prindërit, mbërritën me anije në Itali.

Përmes një postimi në rrjetet sociale, Shehaj ka treguar jetën e tij në itali dhe më pas rikthimin në Shqipëri. Ndaj në këtë përvjetor të eksodit shqiptar drejt Italisë, Shehaj shpreh mirënjohje ndaj Shqipërisë dhe Italisë ndërsa thekson se ndihet më shumë se kurrë në borxh me të dyja

?30 vjet më parë, vetëm 13 vjeç, bashkë me prindërit, ishim ndër të parët që mbërritëm me anije në Itali. Në këtë foto jam duke udhëtuar në tren me shqiptarë të tjerë për t?u shpërndarë në veri të Italisë. Italia m?u bë Atdheu i dytë. Aty u rrita, u maturova, u shkollova e mësova shumë.
U riktheva në Shqipëri në vitin 2005, pa para, por me një dashuri dhe dëshirë të zjarrtë për Shqipërinë. Dhe Shqipëria më dha gjithçka që mund të më jepte. Më dha mundësinë, edhe pse bashkë me të, erdhën edhe shumë vështirësi. Në Shqipëri gjeta jo vetëm suksesin, po mbi të gjitha gjeta qëllimin dhe përmbushjen njerëzore. Gjeta edhe dashurinë e jetës dhe krijova familjen time.

Ndaj në këtë përvjetor të eksodit shqiptar drejt Italisë, unë u jam më shumë se kurrë mirënjohës Shqipërisë dhe Italisë e ndihem më shumë se kurrë në borxh me të dyja. Gjithë jetën time do përpiqem t?u jap sa më shumë që të mundem! Veçanërisht Shqipërisë që ka më shumë nevojë se kurrë për të gjithë bijtë e saj, kudo që janë?, shkruan Shehaj./CNA.al





Lajmet e fundit nga